امان تٶلەەۆ مەرزٸمٸنەن بۇرىن ٶز ەركٸمەن كەمەروۆو وبلىسى گۋبەرناتورى قىزمەتٸنەن كەتەدٸ, دەپ حابارلايدى ريا نوۆوستي ٶڭٸردٸڭ ادمينيستراتسيياسىنا سٸلتەمە جاساپ.
"كەمەروۆو وبلىسىنىڭ گۋبەرناتورى امان تٶلەەۆ رف پرەزيدەنتٸ ۆلاديمير پۋتينگە ٶز ەركٸمەن وتستاۆكاعا كەتۋ تۋرالى ٶتٸنٸش جازدى", — دەپ حابارلايدى وبلىس ادمينيستراتسيياسى باسپاسٶز قىزمەتٸ. سونىمەن قاتار, ونىڭ ٶتٸنٸشٸن رەسەي فەدەراتسيياسى باسشىسى ۆلاديمير پۋتين قابىلداپ ٷلگەرگەن.
امان تٶلەەۆتٸڭ جاسى 73-تە, 1997 جىلدان بەرٸ كەمەروۆو وبلىسىنىڭ گۋبەرناتورى قىزمەتٸن اتقارىپ كەلەدٸ. ول بۇل لاۋازىمعا تٶرت رەت سايلانعان. كەزەكتٸ قىزمەتتٸك مەرزٸمٸ 2020 جىلى اياقتالۋى تيٸس بولاتىن.
ەسكە سالا كەتەيٸك, 2018 جىلى 25 ناۋرىزدا كەمەروۆاداعى "زيمنيايا ۆيشنيا" ساۋدا ورتالىعىندا ٶرت بولىپ, 64 ادام قازا تاپتى, ولاردىڭ اراسىندا 41 بالا بار. بۇل وقيعاعا قاتىستى قىلمىستىق ٸس قوزعالىپ, تەرگەۋ جٷرٸپ جاتىر. قازٸرگٸ تاڭدا زارداپ شەككەندەردٸڭ سانى 79 ادامعا جەتكەن.
