Kemerovodaǵy «Zimniaia vishnia» saýda úiinde adamdardyń qaza bolýyna bailanysty aimaqta aza tutý kúnderi bastaldy, dep habarlaidy TASS.
«Aza tutý kúnderi 27 naýryzdan 29 naýryzǵa deiin sozylady. Bul týraly ókimge jergilikti gýbernator Aman Tóleev qol qoidy. Aza tutý kúnderi Kemerovo oblysy men Resei Federatsiiasynyń barlyq memlekettik týlary túsiriledi. Barlyq teleradiokompaniialarǵa oiyn-saýyq baǵdarlamalaryn toqtatý usynyldy. Olar erikti túrde jarnamalardy, qaraly kún sipatyna sai kelmeitin mýzykany efirden alyp tastaýda», - dep habarlady jergilikti ákimshiliktiń baspasóz qyzmetinen.
Aza tutý kúnderi oblystaǵy mýnitsipaldy kinoteatrlar da jumys istemeidi.
Kýzbasstan basqa Riazan oblysy da qaiǵyly oqiǵaǵa bailanysty aza tutý kúnderin jariialady.
Eske salaiyq, 25 naýryz kúni Reseidiń Kemerovo qalasynda «Zimniaia vishnia» saýda úiinde órt shyǵyp, sońǵy derekterge sáikes 64 adam qaza tapty.
Memleket basshysy Nursultan Nazarbaev Resei Federatsiiasynyń Prezidenti Vladimir Pýtinge kóńil aitý jedelhatyn joldady.
QR SIM-niń málimetinshe, órtten kóz jumǵandar arasynda qazaqstandyqtar joq.
27 naýryz kúni 13 balanyń týystary olardyń múrdelerin tanyǵandyǵy habarlandy.
