Kembridjde (Ulybritaniia) «Rýhani jańǵyrý» baǵdarlamasyn iske asyrý jónindegi Ulttyq komissiia men Kembridj ýniversiteti baspahanasy arasynda yntymaqtastyq jóninde memorýndamǵa qol qoiyldy.
Kelisim boiynsha ulybritaniialyq baspahana qazirgi zamanǵy qazaq ádebietiniń aǵylshyn tilindegi antologiiasyn aýdarý, basyp shyǵarý men taratý jumysyn qolǵa alatyn boldy, dep habarlaidy QazAqparat tilshisi.
Belgili bolǵandai, qazirgi zamanǵy qazaq ádebieti úlgisiniń jinaǵyn BUU-nyń alty tiline aýdarý jumysy «Jahandyq álemdegi qazirgi qazaqstandyq mádeniet» jobasy aiasynda júzege asyrylýda. Joba - Qazaqstan Prezidenti Nursultan Nazarbaevtyń «Rýhani jańǵyrý» baǵdarlamasynyń mańyzdy bir bóligi.
«Jahandyq álemdegi qazirgi qazaqstandyq mádeniet» jobasynyń maqsaty - Qazaqstan táýelsizdik alǵannan bergi bizdiń ádebiettiń, mýzyka jáne beineleý óneriniń, horeografiia, kino men teatrdyń jetistikterin álemge pash etý bolyp tabylady. Qazaqstandyq taraptan memorandýmǵa «Rýhani jańǵyrý» baǵdarlamasyn iske asyrý jónindegi Ulttyq komissiianyń hatshysy Aida Balaeva qol qoidy.
«Britandyq Keńes jaqtan qoldaýdyń bolýy, sonymen birge Sambridge University Press sekildi beldi uiymmen yntymaqtastyq pen onyń 500 jyldyq tarihy, talassyz abyroiy bizdiń jobanyń sáttiligine negiz bolar degen senimdemiz. Bul aýdarma jumysynyń joǵary sapasyna oń áser etip, basylymnyń Ulybritaniiada ǵana emes, jalpy aǵylshyn tildi álemge taralýyna múmkindik berer degen senimdemiz. Dál osyndai aýdarma jumystaryn ispan, frantsýz, orys, qytai jáne arab tilderine aýdaryp, antologiia retinde shyǵarý úshin kelssiózderdi júrgizip jatqanymyzdy atap ótkim keledi. Áleýetti seriktesterge talap ta joǵary. Aldymen tájiribege, abyroi men baspahananyń múmkindikterine basymdyq beriledi», - dedi Aida Balaeva memorandýmǵa qol qoiý rásiminde sóilegen sózinde.
Óz kezeginde Sambridge University Press uiymynyń reforma jáne bilim jónindegi direktory Djein Mann Qazaqstanmen mádeni joba baǵytyndaǵy yntymaqtasyqqa qýanatyndaryn jetkizdi.
«Qazaqstandyq avtorlardyń prozasy men poeziiasyn aǵylshyn tildi álemniń oqyrmandaryna tanystyrý úshin barlyq kúsh-jigerimizdi salamyz. Sambridge University Press bul rette jumys júrgizý múmkindigine ie bolyp otyrǵany úshin alǵysyn bildiredi», - deidi ol.
Aita ketsek, «Rýhani jańǵyrý» baǵdarlamasynyń mańyzdy bóligi sanalatyn «Jahandyq álemdegi qazirgi qazaqstandyq mádeniet» jobasy boiynsha qazirgi ýaqytta eki antologiia boiynsha qyzý jumystar júrip jatyr. Olar - «Qazaqstannyń qazirgi poeziiasynyń antologiiasy» men «Qazaqstannyń qazirgi prozasynyń antologiiasy». Árbir antologiia bes júz betten turady. Árbir antologiiaǵa 30 qazaqstandyq avtordyń eńbekteri enedi. Antologiialardyń qurylymy men mazmuny Qazaqstan Jazýshylar odaǵynyń arnaiy otyrysynda bekitilgen bolatyn.
