Biryńǵai jinaqtaýshy zeinetaqy qory (BJZQ) direktorlar keńesiniń múshesi Qairat Kelimbetov zeinetaqyǵa qansha aqsha jinaǵanyn aityp berdi, - dep habarlaidy kaz.tengrinews.kz tilshisi. Qairat Kelimbetovtiń "Finansovaia svoboda" qoǵamdyq qory qamqorshylyq keńesiniń basshysy Botagóz Jumanova men saiasattanýshy Dosym Sátbaevpen suhbaty Youtube hostinginde jariialandy.
"Menińshe, mende 23 million teńge jinaq bar. Biz qazir jaspyz, jumysym bar. Belgili bir jasqa kelgende filosofiiańyz múlde ózgeredi, aqshaǵa degen qarym-qatynasyńyz da ózgeredi. Aqshasyz qalyp qoisam degen oimen aqsha jinaý mindetti emes", - dedi Qairat Kelimbetov.
Bota Jumanovanyń qartaiǵan shaǵyna jinaǵan qarajaty jaily jáne BJZQ-dan aqshanyń bir bóligin merziminen buryn alý týraly suraǵyna Qairat Kelimbetov úleskerlerdiń tap bolǵan problemalaryna toqtalyp ótti.
"Memleket - ol institýt. Toilar kóp ótkizilýi múmkin. Úleskerler páter alyp, toi ótkizip jatqan kezder boldy, sosyn memleket olarǵa kelip "Toi keshi aiaqtaldy, endim kimniń kimge qansha qaryz ekenin anyqtaiyq" dep aitady. Memleket qoǵamdyq turaqtylyqqa jaýap beredi. (...) Osynda taǵy bir másele, menińshe, árbir adam óz ómiri úshin ózi jaýap beredi. Men de óz ómirim úshin ózim jaýap beremin. Keńes Odaǵynda bulai bolǵan joq, biýdjet toqtap qaldy. 1998 jyly mundai múmkindikter bolǵan joq. Negizi búkil álemdegi memleketterde osyndai múmkindikter joq. Sol sebepti qazirgi ýaqytta álemde zeinetaqy qorynyń tapshylyǵy jaily aitylyp jatyr. Sondyqtan árbir adam óziniń qartaiatyn shaǵyna ózi daiyndalýy kerek. Qanshalyqty jaqsy ómir súresiń - ol seniń qalai aqsha jinaǵanyńa nemese toilaryńdy qalai ótkizetinińe bailanysty", - dedi Qairat Kelimbetov.
