Túrkistan oblysynyń ákimi Darhan Satybaldy aýdan ákimderine aýylsharýashylyǵy maqsatyndaǵy jerlerdi maqsatyna sai paidalanýdy, tabiǵi múmkindikterdi paidalana otyryp, jańa tehnologiialar arqyly intinsivti baý sharýashylyǵyna basymdyq berýdi qolǵa alý boiynsha tapsyrma berdi. Berilgen tapsyrma aiasynda Keles aýdanynyń ákimi Aqmentai Esbaev arnaiy delegatsiia quryp, Ózbekstan Respýblikasyna bardy. Bul týraly oblys ákimdiginiń baspasóz qyzmeti habarlady.
Kórshi memlekettiń Tashkent, Djizzah jáne Samarqand oblystarynyń aýdandaryn aralap, jergilikti sharýa qojalyqtarynyń jumysymen tanysýda. Maqsat – kórshi memlekettegi sharýalardyń egin egýdegi tyń tehnologiialaryn meńgere otyryp, kóp jyldyq ekpelerdi, iaǵni intinsivti alma, júzim syndy ónimderdi Keles dalasyna tarta otyryp, igerilmei jatqan jerlerge kókónis ónimderin egý boiynsha ózbek sharýalarymen tájiribe almasý.
Aýdan basshysy Tashkent oblysynyń sharýalarynyń jumysymen tanysty. Ondaǵy kókónis saqtaityn qoimalardyń tehnologiiasy, artyqshylyqtary men tiimdiligi jaiynda aqparat alyp, sharýalar ózderin qyzyqtyrǵan suraqtarǵa jaýap aldy. Keles aýdanynan barǵan delegatsiia Samarqand oblysyna qarasty Toiloq aýdanyndaǵy «Boǵi zoǵon» sharýa qojalyǵynyń jumysynyń barysymen tanysty. Sharýa qojalyǵynda 15 gektar intintsivti alma baý, 1 gektar jylyjai jáne syiymdylyǵy 200 tonna aýyl sharýashylyǵy ónimderin saqtaityn qoima jumys jasap tur.
Sharýa qojalyǵynyń iesiniń aitýynsha jańa tehnologiiany Túrkiia memleketine baryp, sol jaqtan meńgergen. Aýa-raiynyń ylǵaldyǵy, jazǵy ystyqtyń eginge berer paidasy men ziiany jaiynda suraqtaryn qoiǵan kelestik sharýalar tiisti jaýaptaryn aldy.
Sondai-aq kelestik delegatsiia Djizah orman sharýashyryǵy mekemesine qarasty kóshet óndirý protsesimen tanysty. Aldaǵy kúnderi kelestik delegatsiianyń sapary Ózbekstan Respýblikasynyń ońtústik oblystaryndaǵy sharýalardyń jumys barysymen tanysatyn bolady.
