Túrkistan oblysy Keles aýdany Abai aýylynyń turǵyny Áigerim Álimbekova ataýly áleýmettik kómektiń arqasynda kásibin dóńgelentip otyr, dep habarlaidy "Ult aqparat".
Óńirlik kommýnikatsiialar qyzmetiniń málimetinshe, Túrkistan oblysy Keles aýdanynda turatyn 5 balanyń anasy Áigerim Álimbekova byltyr ataýly áleýmettik kómektiń arqasynda 1 mln 389 myń teńge kóleminde qarjy alǵan. Oǵan úi aýlasynan qus sharýashalyǵyn ashqan. Búginde úielmen 100 bódene men 50 taýyq asyrap otyr. Budan bólek, biyl taǵy da 100 bas balapan bastyryp jatyr eken.
«Ataýly áleýmettik kómektiń sharapaty mol boldy. Bala-shaǵamyzdyń nesibesine úkimet qarasyp, mol qarjy berdi. Sonyń shashaýyn shyǵarmai, kúieýim ekeýmiz jeke kásip ashýdy oilastyrdyq. Búginde turmysymyz jaqsy, tabysymyz da jyl sanap molaiyp keledi. Endigi armanym – qus sharýashylyǵyn ulǵaityp, qus basyn 500 danaǵa jetkizý», – deidi Áigerim Álimbekova.
Abai aýylynda bódene jumyrtqasyna suranys mol. Ásirese, bazardaǵy saýda dúkenderi men ashanalar tapsyrysty kóp beretin kórinedi.
Biraq, Áigerim Álimbekova qus ósirýdiń ózindik qiyndyqtary bar ekenin de jasyrmady. Arnaiy taýyq qoranyń da qajettiligi týyndapty.
Aldaǵy ýaqytta ol úi aýlasynan arnaiy qora salyp, qus sanyn 1000-ǵa jetkizemin dep otyr.
