تٷركٸستان وبلىسى كەلەس اۋدانى اباي اۋىلىنىڭ تۇرعىنى ەيگەرٸم ەلٸمبەكوۆا اتاۋلى ەلەۋمەتتٸك كٶمەكتٸڭ ارقاسىندا كەسٸبٸن دٶڭگەلەنتٸپ وتىر, دەپ حابارلايدى "ۇلت اقپارات".
ٶڭٸرلٸك كوممۋنيكاتسييالار قىزمەتٸنٸڭ مەلٸمەتٸنشە, تٷركٸستان وبلىسى كەلەس اۋدانىندا تۇراتىن 5 بالانىڭ اناسى ەيگەرٸم ەلٸمبەكوۆا بىلتىر اتاۋلى ەلەۋمەتتٸك كٶمەكتٸڭ ارقاسىندا 1 ملن 389 مىڭ تەڭگە كٶلەمٸندە قارجى العان. وعان ٷي اۋلاسىنان قۇس شارۋاشالىعىن اشقان. بٷگٸندە ٷيەلمەن 100 بٶدەنە مەن 50 تاۋىق اسىراپ وتىر. بۇدان بٶلەك, بيىل تاعى دا 100 باس بالاپان باستىرىپ جاتىر ەكەن.
«اتاۋلى ەلەۋمەتتٸك كٶمەكتٸڭ شاراپاتى مول بولدى. بالا-شاعامىزدىڭ نەسٸبەسٸنە ٷكٸمەت قاراسىپ, مول قارجى بەردٸ. سونىڭ شاشاۋىن شىعارماي, كٷيەۋٸم ەكەۋمٸز جەكە كەسٸپ اشۋدى ويلاستىردىق. بٷگٸندە تۇرمىسىمىز جاقسى, تابىسىمىز دا جىل ساناپ مولايىپ كەلەدٸ. ەندٸگٸ ارمانىم – قۇس شارۋاشىلىعىن ۇلعايتىپ, قۇس باسىن 500 داناعا جەتكٸزۋ», – دەيدٸ ەيگەرٸم ەلٸمبەكوۆا.
اباي اۋىلىندا بٶدەنە جۇمىرتقاسىنا سۇرانىس مول. ەسٸرەسە, بازارداعى ساۋدا دٷكەندەرٸ مەن اسحانالار تاپسىرىستى كٶپ بەرەتٸن كٶرٸنەدٸ.
بٸراق, ەيگەرٸم ەلٸمبەكوۆا قۇس ٶسٸرۋدٸڭ ٶزٸندٸك قيىندىقتارى بار ەكەنٸن دە جاسىرمادى. ارنايى تاۋىق قورانىڭ دا قاجەتتٸلٸگٸ تۋىنداپتى.
الداعى ۋاقىتتا ول ٷي اۋلاسىنان ارنايى قورا سالىپ, قۇس سانىن 1000-عا جەتكٸزەمٸن دەپ وتىر.
