Foto: canva.com
Otbasy banktiń basty maqsatynyń biri – salymshylardy jańa turǵyn úimen qamtamasyz etý. Bul týraly "Otbasy bank" basqarma tóraǵasy Lázzat Ibragimova aitty, dep habarlaidy Ult.kz.
"Bank 11 ai ishinde 32895 zaem berdi, onyń jalpy somasy 571 mlrd teńgeni qurady. Onyń ishinde kezekte turǵan salymshylarǵa 7861 zaem berildi. Basqa da baǵdarlamalar boiynsha 25034 otbasy jańa páterge kirdi. Onyń 40 paiyzyn "Naýryz" jáne "Otaý" baǵdarlamalary quraidy. Osy arqyly 9370 otbasy baspanaly boldy. Jalpy somasy – 240 mlrd teńge. Baǵdarlamany naqty júzege asyrý osy jyldyń maýsym aiynan bastaldy. Kelesi jyldyń basynda jalǵasady", - dedi Lázzat Ibragimova Úkimet otyrysynda.
Biyl eki memlekettik baǵdarlama boiynsha kezekte turǵandarǵa turǵyn úi berý júrgizildi.
"Naýryz" jáne "Otaý" baǵdarlamalary boiynsha 68700 usynym berilgen.
"Degenmen de, Soltústik Qazaqstan, Pavlodar, Qyzylorda jáne Atyraý oblystary boiynsha turǵyn úige defitsit baiqalady. Bul kelesi jyly da qaitalanýy múmkin. Kelesi jyly "Naýryz" baǵdarlamasy boiynsha 300 mlrd teńge berilý josparlanyp otyr. Baǵdarlamaǵa taldaý jasaý arqyly eki másele anyqtaldy. Birinshisi – kóptegen satyp alýshylar turǵyn úidi daiyn kúide alýdy qalaidy. Óitkeni jóndeý jumystaryna shyǵyn kóbeiip ketedi. Sondyqtan bank turǵyn úi qurylys kompaniialarynyń assotsiatsiiasymen birqatar kezdesýler ótkizdi. Olar portalǵa páterlerdi daiyn kúiinde qoiady, al satyp alýshylar portaldaǵy páterdi 10 paiyzdy salý arqyly alýǵa kelisim beredi. Bul 2025 jyldyń birinshi qańtarynan engiziledi. Ekinshi másele – baǵdarlamaǵa qatysý úshin salymshyda depozitte tek 1 mln teńge bolý shart edi. Konkýrsty jeńgen salymshy az ýaqyt ishinde páterdiń 20 paiyzyn salýy tiis. Qazirgi jaǵdai boiynsha 2,5 myńnan astam ótinishtiń 39 paiyzynda ǵana 20 paiyzdy quraityn jarna bar. Sondyqtan kelesi jyly baǵdarlamaǵa qatysýshylardyń depozitinde 2 mln teńge bolýyn usynamyz. Bul baǵdarlamalardy júzege asyrýdy tezdetedi", - dedi spiker.
