فوتو: canva.com
وتباسى بانكتٸڭ باستى ماقساتىنىڭ بٸرٸ – سالىمشىلاردى جاڭا تۇرعىن ٷيمەن قامتاماسىز ەتۋ. بۇل تۋرالى "وتباسى بانك" باسقارما تٶراعاسى لەززات يبراگيموۆا ايتتى, دەپ حابارلايدى Ult.kz.
"بانك 11 اي ٸشٸندە 32895 زاەم بەردٸ, ونىڭ جالپى سوماسى 571 ملرد تەڭگەنٸ قۇرادى. ونىڭ ٸشٸندە كەزەكتە تۇرعان سالىمشىلارعا 7861 زاەم بەرٸلدٸ. باسقا دا باعدارلامالار بويىنشا 25034 وتباسى جاڭا پەتەرگە كٸردٸ. ونىڭ 40 پايىزىن "ناۋرىز" جەنە "وتاۋ" باعدارلامالارى قۇرايدى. وسى ارقىلى 9370 وتباسى باسپانالى بولدى. جالپى سوماسى – 240 ملرد تەڭگە. باعدارلامانى ناقتى جٷزەگە اسىرۋ وسى جىلدىڭ ماۋسىم ايىنان باستالدى. كەلەسٸ جىلدىڭ باسىندا جالعاسادى", - دەدٸ لەززات يبراگيموۆا ٷكٸمەت وتىرىسىندا.
بيىل ەكٸ مەملەكەتتٸك باعدارلاما بويىنشا كەزەكتە تۇرعاندارعا تۇرعىن ٷي بەرۋ جٷرگٸزٸلدٸ.
"ناۋرىز" جەنە "وتاۋ" باعدارلامالارى بويىنشا 68700 ۇسىنىم بەرٸلگەن.
"دەگەنمەن دە, سولتٷستٸك قازاقستان, پاۆلودار, قىزىلوردا جەنە اتىراۋ وبلىستارى بويىنشا تۇرعىن ٷيگە دەفيتسيت بايقالادى. بۇل كەلەسٸ جىلى دا قايتالانۋى مٷمكٸن. كەلەسٸ جىلى "ناۋرىز" باعدارلاماسى بويىنشا 300 ملرد تەڭگە بەرٸلۋ جوسپارلانىپ وتىر. باعدارلاماعا تالداۋ جاساۋ ارقىلى ەكٸ مەسەلە انىقتالدى. بٸرٸنشٸسٸ – كٶپتەگەن ساتىپ الۋشىلار تۇرعىن ٷيدٸ دايىن كٷيدە الۋدى قالايدى. ٶيتكەنٸ جٶندەۋ جۇمىستارىنا شىعىن كٶبەيٸپ كەتەدٸ. سوندىقتان بانك تۇرعىن ٷي قۇرىلىس كومپانييالارىنىڭ اسسوتسياتسيياسىمەن بٸرقاتار كەزدەسۋلەر ٶتكٸزدٸ. ولار پورتالعا پەتەرلەردٸ دايىن كٷيٸندە قويادى, ال ساتىپ الۋشىلار پورتالداعى پەتەردٸ 10 پايىزدى سالۋ ارقىلى الۋعا كەلٸسٸم بەرەدٸ. بۇل 2025 جىلدىڭ بٸرٸنشٸ قاڭتارىنان ەنگٸزٸلەدٸ. ەكٸنشٸ مەسەلە – باعدارلاماعا قاتىسۋ ٷشٸن سالىمشىدا دەپوزيتتە تەك 1 ملن تەڭگە بولۋ شارت ەدٸ. كونكۋرستى جەڭگەن سالىمشى از ۋاقىت ٸشٸندە پەتەردٸڭ 20 پايىزىن سالۋى تيٸس. قازٸرگٸ جاعداي بويىنشا 2,5 مىڭنان استام ٶتٸنٸشتٸڭ 39 پايىزىندا عانا 20 پايىزدى قۇرايتىن جارنا بار. سوندىقتان كەلەسٸ جىلى باعدارلاماعا قاتىسۋشىلاردىڭ دەپوزيتٸندە 2 ملن تەڭگە بولۋىن ۇسىنامىز. بۇل باعدارلامالاردى جٷزەگە اسىرۋدى تەزدەتەدٸ", - دەدٸ سپيكەر.
