Halyq sanaǵyna paidalanylatyn planshetter mektepterge beriledi. Bul týraly búgin Ortalyq kommýnikatsiialar qyzmetindegi brifingte Ulttyq ekonomika ministri Rýslan Dálenov aitty, dep habarlaidy "Ult aqparat".
«Halyq sanaǵy kelesi jyly bolady. Jalpy somasy 9 mlrd teńge shyǵyndaý josparlanýda. Eger buǵan deiingi, 10 jyl burynǵy halyq sanaǵymen salystyrar bolsaq, shyǵystar somasy birshama tómen. Negizgi somasy aqparattyq júiege jáne qural-jabyqtar men sanaqty ótkizý úshin qajetti planshetter satyp alýǵa jumsalady. Qaǵaz satyp alynbaidy. Satyp alynsa da, tym az, blanktiń ózi elektrondy bolady. Qural-jabyqtar da, aqparattyq júie de qalady», - dedi ol.
Osy rette ministr sanaq júrgizýge alynatyn planshetter kimderge beriletinin aitty.
«Planshetter komitet (Statistika komiteti) jumysyna paidalaný úshin beriledi. Sonymen qatar olardyń basym bóligi, Bilim jáne ǵylym ministrligi júiesine, iaǵni mektepterge beriledi. Sondyqtan sanaq júrgizýge satyp alynatyn qural-jabdyqtar odan ary da kádege jaraidy. Tolyqtai alǵanda sanaqtyń basty ereksheligi onyń elektrondy túrde ótýi bolmaq. Elektrondy túrde birden óńdelip, málimetter tekseriledi. Sodan keiin birden sanaqtyń aldyn ala nátijesimen tanysa alatyn bolamyz», - dedi Rýslan Dálenov.
