Elordalyq ákimdikte ótken máslihat barysynda Astanany kezeń-kezeńimen gazǵa kóshirý máselesi talqylandy, dep habarlaidy "Ult aqparat" qala ákimdiginiń media ortalyǵyna silteme jasap.
Qalanyń tabiǵi resýrstar jáne tabiǵatty paidalanýdy retteý basqarmasynyń basshysy Musa Tanabaevtyń aitýynsha, ol basqaratyn vedomstvo «Astana qalasynda qorshaǵan ortany jaqsartýdyń 2017-2018 jyldarǵa arnalǵan keshendi sharalar jospary» jobasyn iske asyrýǵa kirisip ketken.
«Vedomsto «Global Gaz Group» JShS kompaniiasynyń toptary arqyly jeke turǵyn úi sektory jáne úlken ǵimarattarǵa kezeń-kezeńimen gaz berý jumystaryn júrgizip jatyr. Alǵashqy tutynýshylardyń biri – Nazarbaev ýniversiteti. Oǵan «Turan» stantsiiasynan (saǵatyna 10 myń kýb) tómendetilgen tabiǵi gaz berile bastady. Sondai-aq, Ǵarysh ortalyǵy men Qorǵanys ministrliginiń akademiiasyna da gaz jetkizý jumystary aiaqtaldy. 2018 jyldyń sońyna deiin gaz tasymaldaityn «Telman» ekinshi stantsiiasy iske qosylady. Ol Prigorodnyi, Telman turǵyn úi alaptaryn jáne «Nursultan Nazarbaev» halyqaralyq áýejaiyna gaz beredi», - dedi Tanabaev.
Onyń aqparatyna sáikes, jekemenshik sektor turǵyndary úidi jylytý úshin tek kómir ǵana emes, kólik dońǵalaqtaryn, rezinalardy jáne taǵy basqa ziiandy materialdy otyn retinde paidalanady. Qorshaǵan ortaǵa zalal keltiretin osyndai faktilerdi anyqtaý úshin qazir múddeli memlekettik organ ókilderinen quralǵan mobildi toptar quryldy.
«Bul Astana qalasyn abattandyrý qaǵidalarynyń 15-tarmaǵyn buzý bolyp esepteledi», - dep eskertti basqarma basshysy.
