ەلوردالىق ەكٸمدٸكتە ٶتكەن مەسليحات بارىسىندا استانانى كەزەڭ-كەزەڭٸمەن گازعا كٶشٸرۋ مەسەلەسٸ تالقىلاندى, دەپ حابارلايدى "ۇلت اقپارات" قالا ەكٸمدٸگٸنٸڭ مەديا ورتالىعىنا سٸلتەمە جاساپ.
قالانىڭ تابيعي رەسۋرستار جەنە تابيعاتتى پايدالانۋدى رەتتەۋ باسقارماسىنىڭ باسشىسى مۇسا تاناباەۆتىڭ ايتۋىنشا, ول باسقاراتىن ۆەدومستۆو «استانا قالاسىندا قورشاعان ورتانى جاقسارتۋدىڭ 2017-2018 جىلدارعا ارنالعان كەشەندٸ شارالار جوسپارى» جوباسىن ٸسكە اسىرۋعا كٸرٸسٸپ كەتكەن.
«ۆەدومستو «Global Gaz Group» جشس كومپانيياسىنىڭ توپتارى ارقىلى جەكە تۇرعىن ٷي سەكتورى جەنە ٷلكەن عيماراتتارعا كەزەڭ-كەزەڭٸمەن گاز بەرۋ جۇمىستارىن جٷرگٸزٸپ جاتىر. العاشقى تۇتىنۋشىلاردىڭ بٸرٸ – نازارباەۆ ۋنيۆەرسيتەتٸ. وعان «تۇران» ستانتسيياسىنان (ساعاتىنا 10 مىڭ كۋب) تٶمەندەتٸلگەن تابيعي گاز بەرٸلە باستادى. سونداي-اق, عارىش ورتالىعى مەن قورعانىس مينيسترلٸگٸنٸڭ اكادەميياسىنا دا گاز جەتكٸزۋ جۇمىستارى اياقتالدى. 2018 جىلدىڭ سوڭىنا دەيٸن گاز تاسىمالدايتىن «تەلمان» ەكٸنشٸ ستانتسيياسى ٸسكە قوسىلادى. ول پريگورودنىي, تەلمان تۇرعىن ٷي الاپتارىن جەنە «نۇرسۇلتان نازارباەۆ» حالىقارالىق ەۋەجايىنا گاز بەرەدٸ», - دەدٸ تاناباەۆ.
ونىڭ اقپاراتىنا سەيكەس, جەكەمەنشٸك سەكتور تۇرعىندارى ٷيدٸ جىلىتۋ ٷشٸن تەك كٶمٸر عانا ەمەس, كٶلٸك دوڭعالاقتارىن, رەزينالاردى جەنە تاعى باسقا زيياندى ماتەريالدى وتىن رەتٸندە پايدالانادى. قورشاعان ورتاعا زالال كەلتٸرەتٸن وسىنداي فاكتٸلەردٸ انىقتاۋ ٷشٸن قازٸر مٷددەلٸ مەملەكەتتٸك ورگان ٶكٸلدەرٸنەن قۇرالعان موبيلدٸ توپتار قۇرىلدى.
«بۇل استانا قالاسىن اباتتاندىرۋ قاعيدالارىنىڭ 15-تارماعىن بۇزۋ بولىپ ەسەپتەلەدٸ», - دەپ ەسكەرتتٸ باسقارما باسشىسى.
