Foto: Aqorda
Memleket basshysy Qasym-Jomart Toqaev dástúrli túrde ótetin «Altyn sapa» jáne «Paryz» syilyqtarynyń laýreattaryn, sondai-aq «Qazaqstannyń úzdik taýary» kórme-baiqaýynyń jeńimpazdaryn marapattaý rásiminde sóz sóiledi, dep habarlaidy Ult.kz.
Prezident óz sózinde kásipkerlerdiń el ekonomikasyna qosyp kele jatqan úlesin erekshe atap ótti.
«Árbir kásipkerdiń jetistigi – el mereii», – dedi Memleket basshysy. Onyń aitýynsha, kásipkerler sapaly ónim shyǵaryp, ekonomikany damytyp qana qoimai, áleýmettik jaýapkershilikti de tereń sezinedi.
Toqaev biyl alǵash ret 29 qazannyń «Qazaqstan kásipkerleri kúni» bolyp bekitilgenin eske saldy. Sonymen qatar Prezident áleýmettik jaýapkershilik pen qaiyrymdylyqqa airyqsha úles qosqan kásipkerlerge arnalǵan jańa nagrada – «Meiirim» ordenin taǵaiyndaý týraly sheshim qabyldaǵanyn málimdedi.
«Kelesi jyldan bastap elimizdiń birqatar kásipkerleri osy mártebeli ordenmen marapattalady. Bul – biznes ókilderine degen erekshe qurmettiń belgisi», – dedi Prezident.
Rásim sońynda Memleket basshysy el kásipkerlerin taǵy bir márte quttyqtap, memleket olardyń bastamalary men jobalaryna árdaiym qoldaý kórsetýge daiyn ekenin atap ótti.
