Foto: Úkimet
Oljas Bektenov turaqty jumyspen qamtý úlesin ulǵaityp, ásirese, jas mamandardy jumysqa ornalastyrýǵa basa nazar aýdarýdy tapsyrdy, dep habarlaidy Ult.kz.
Úkimet otyrysynda Premer-ministr elimizde ashylatyn jumys oryndarynyń bir bóligi – ýaqytsha jumyspen bailanysty ekenine nazar aýdartty. Mundai tásildiń halyqty jumyspen qamtýda tiimdiligi tómen.
«Sondyqtan qoldanystaǵy josparlarda turaqty jumyspen qamtý úlesin ulǵaitý qajet. Ásirese, jas mamandardy jumysqa ornalastyrýǵa basa nazar aýdarý kerek. Atalǵan máselelerdi keshendi túrde sheshýge baǵyttalǵan sharalar Eńbek naryǵyn damytý tujyrymdamasynda kózdelgen. Jalpy alǵanda, ortalyq memlekettik organdardyń, óńir ákimdikteri men biznestiń ózara úilesimdi, birlesken jumysy qajet», — dep atap ótti Oljas Bektenov.
Úkimet otyrysynyń qorytyndysy boiynsha Premer-ministr salalyq ministrlikter men ákimdikterge kelesidei tapsyrmalar berdi:
- Eńbek ministrligi oblys ákimderimen birlesip, óńirlik jumyspen qamtý kartalarynda kózdelgen eńbek naryǵynyń negizgi kórsetkishteriniń oryndalýyn qamtamasyz etýge tiis.
- Óńir ákimderi turaqty jumys oryndaryn qurýǵa basa nazar aýdara otyryp, jumyspen qamtý josparlarynyń oryndalýyn jeke baqylaýǵa alsyn.
- Ulttyq ekonomika ministrligi salalyq memlekettik organdarmen jáne óńir ákimdikterimen birlesip, osy jyldyń 1 qyrkúiegine deiin 2025-2027 jyldary iske asyrylatyn jobalar boiynsha barlyq derekterdi memlekettik josparlaýdyń aqparattyq júiesinde ornalastyrýdy qamtamasyz etýge tiis. Sondai-aq kelesi jyldyń basynan bastap halyqty jumyspen qamtýdy keńeitýge baǵyttalǵan aýdan jáne qala ákimderiniń KPI júiesin engizý qajet.
- Tsifrlyq damý ministrligi jyl sońyna deiin memlekettik organdar men biznestiń derekterin biriktirip, jańa jumys oryndaryn qurý boiynsha biryńǵai tsifrlyq júieni qalyptastyrýǵa tiis.
.jpeg)