© Sputnik / Vladislav Vodnev
Prezidentti jeti jylǵa jáne tek bir merzimge ǵana sailaý týraly Konstitýtsiiaǵa engiziletin bap ózgertilmeidi. Bul týraly Ádilet ministri Qanat Mýsin málimdedi, - dep habarlaidy "Ult aqparat" Massaget.kz portalyna silteme jasap.
"Prezidenttiń ókilettik merzimi 7 jyl jáne Prezident tek bir ret sailanýy múmkin degen Konstitýtsiianyń erejesi ózgermeidi. Kelesi Prezident te, keiingi Parlament te bul normalardy ózgerte almaidy", - dep túsindirdi Mýsin.
Ol Konstitýtsiianyń 94-babyndaǵy 1-eskertpede ózgermeitin normalar jazylatynyn túsindirdi. Onda eldiń aýmaqtyq tutastyǵy, Qazaqstannyń egemendigi, basqarý nysany týraly erejeler jazylǵan. Endi munda prezidenttik ókilettik merzimine qatysty túzetýler engiziledi.
"Bul normany ózgertý múmkin emes. Normanyń ózgermeýin Konstitýtsiialyq sot qadaǵalaidy. Tiisinshe, bul Konstitýtsiialyq sottyń quramyna bailanysty bolmaidy", - dep túsindirdi ministr.
Sonymen qatar ol elordanyń ataýyn keiin ózgertýge bolatynyn atap ótti.
