Koronavirýsqa qarsy vaktsina alǵan azamattar Ashyq qosymshasynda «jasyl» mártebege ie bolady. Bul týraly Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin halyq aldyndaǵy eseptik kezdesýiniń qorytyndysynda aitty, dep habarlaidy "Ult aqparat".
«Bul jumysty biz densaýlyq saqtaý ministrligimen birge júrgizip jatyrmyz. Kelesi aptanyń basynda bizde barlyq vaktsina alǵan adam Ashyq qosymshasynda «jasyl» mártebege ie bolady. Qazir biz ony Ashyq fýnktsiiasy dep ataimyz. Sebebi ol birneshe qosymshalarda qoljetimdi bolady», - dedi Baǵdat Mýsin BAQ ókiliniń saýalyna bergen jaýabynda.
Sonymen qatar, «Ulttyq aqparattyq tehnologiialar» AQ basqarma tóraǵasy Rostislav Koniashkin búgingi tańda negizgi integratsiialyq jumystar aiaqtalǵanyn, jumystyń tek sońǵy bólikteri qalǵanyn jetkizdi.
