كوروناۆيرۋسقا قارسى ۆاكتسينا العان ازاماتتار Ashyq قوسىمشاسىندا «جاسىل» مەرتەبەگە يە بولادى. بۇل تۋرالى تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين حالىق الدىنداعى ەسەپتٸك كەزدەسۋٸنٸڭ قورىتىندىسىندا ايتتى, دەپ حابارلايدى "ۇلت اقپارات".
«بۇل جۇمىستى بٸز دەنساۋلىق ساقتاۋ مينيسترلٸگٸمەن بٸرگە جٷرگٸزٸپ جاتىرمىز. كەلەسٸ اپتانىڭ باسىندا بٸزدە بارلىق ۆاكتسينا العان ادام Ashyq قوسىمشاسىندا «جاسىل» مەرتەبەگە يە بولادى. قازٸر بٸز ونى Ashyq فۋنكتسيياسى دەپ اتايمىز. سەبەبٸ ول بٸرنەشە قوسىمشالاردا قولجەتٸمدٸ بولادى», - دەدٸ باعدات مۋسين باق ٶكٸلٸنٸڭ ساۋالىنا بەرگەن جاۋابىندا.
سونىمەن قاتار, «ۇلتتىق اقپاراتتىق تەحنولوگييالار» اق باسقارما تٶراعاسى روستيسلاۆ كونياشكين بٷگٸنگٸ تاڭدا نەگٸزگٸ ينتەگراتسييالىق جۇمىستار اياقتالعانىن, جۇمىستىڭ تەك سوڭعى بٶلٸكتەرٸ قالعانىن جەتكٸزدٸ.
