Elimizde 23 mamyrda «Bolashaq» halyqaralyq baǵdarlamasy boiynsha jetekshi sheteldik joǵary oqý oryndaryna magistratýra, doktorantýra jáne rezidentýraǵa túsý úshin qujattardy qabyldaý bastalady, dep habarlaidy Bilim jáne ǵylym ministrliginiń baspasóz qyzmeti.
Ótinishter 2022 jylǵy 14 qazanǵa deiin Egov.kz memlekettik qyzmetter portaly arqyly qabyldanady.
Biyl taǵylymdamadan ótýge qujattardy qabyldaý 2022 jylǵy 5 qyrkúiekte bastalyp, 14 qazanǵa deiin jalǵasady.
Konkýrstyq irikteý 2022 jylǵy 30 mamyr men 30 qarasha aralyǵynda ótedi.
Osy jyly magistratýra men rezidentýraǵa 385, doktorantýraǵa 60 stipendiia bólindi.
«Memleket basshysynyń tapsyrmasymen «Bolashaq» baǵdarlamasyn qaita baǵdarlaý protsesi iske qosyldy. Injenerlik-tehnikalyq kadrlardy daiarlaýǵa basty nazar aýdarylady. Osyǵan bailanysty «Bolashaq» baǵdarlamasy boiynsha tehnikalyq jáne IT mamandyqtarǵa granttar sany 60 paiyzǵa deiin ulǵaityldy. Bul «Injenerlik júieler men jeliler», «Aviatsiia jáne aeroǵaryshtyq tehnika. Áýe qozǵalysyn basqarý», «Úlken derekterdi taldaý», «Jańa materialdar tehnologiiasy», «Derekter bazasyn basqarý», «Aviatsiialyq tehnika jáne tehnologiialar», «Mashina jasaý», «Ónerkásiptik avtomattandyrý» jáne t.b.», - dedi QR BǴM Halyqaralyq baǵdarlamalar ortalyǵynyń basqarma tóraǵasy Ánýar Janǵozin.
Jalpy biyl «Bolashaq» baǵdarlamasy boiynsha basym mamandyqtar tiziminde akademiialyq oqýǵa 92, taǵylymdamadan ótýge 158 mamandyq qarastyrylǵan. Eńbek naryǵynyń úrdisterin taldaý negizinde osy jyly tizilimge innovatsiialar, jańa tehnologiialar, meditsina jáne ónerkásiptik injeneriia, jaratylystaný ǵylymdary salasyndaǵy 40 jańa mamandyq engizildi. Sonymen qatar olardyń 17-si ataýlaryn keńeitý arqyly burynnan bar mamandyqtarǵa endi. Jalpy, basym mamandyqtar tizimi tehnikalyq mamandyqtarmen 30%-ǵa keńeitildi.
«Bolashaq» halyqaralyq stipendiiasyna konkýrstyq irikteý 3 kezeńnen turady: keshendi testileý, Táýelsiz sarapshylyq komissiiasy múshelerimen jeke áńgimelesý jáne Shetelde kadrlar daiarlaý jónindegi respýblikalyq komissiia otyrysynda qujattardy qaraý.
Basym mamandyqtar tizimi:
https://bolashak.gov.kz/ru/pretendentu/specialnosti
Usynylatyn ýniversitetter tizimi:
https://bolashak.gov.kz/ru/pretendentu/vuzy
Qajetti qujattar tizimi:
