Memleket basshysy Nursultan Nazarbaev halyqqa arnalǵan Joldaýynda óńirlerdiń damýyn boljaityn shema ázirleýdi tapsyrdy, dep habarlaidy QazAqparat tilshisi.
Jańa shema elimizdegi ýrbanizatsiianyń jańa basqarý kartasyna ainalady.
«Mektepter men balabaqshalardyń, aýrýhanalardyń qurylysyn eldi mekenniń damý josparymen sáikestendirý qajet. Oǵan jeke investorlardy tartýǵa jaǵdai jasaý kerek. Iaǵni, keleshegi joq aýyldardy damytýdyń qajeti joq. Sebebi, «Adamdarǵa arnalǵan infraqurylym» modeli eskirdi, qazir «Infraqurylymǵa adamdardyń kelýi» úlgisine ótýimiz kerek. Bul eldi mekenderdiń úlkeiýine, bólinetin qarajattyń tiimdiligin kóterýge múmkindik beredi. Osyǵan bailanysty, kishkentai aýyldan respýblikalyq mańyzy bar qalalarǵa deiin óńirlik standarttar júiesin ázirleý qajet», - dedi Memleket basshysy.
Sonymen birge, Prezident múmkindigi shekteýli jandarǵa kedergisiz orta qalyptastyrýǵa erekshe kóńil bólýdi tapsyrdy. Olardyń mektep, aýrýhana syndy kez kelgen mekemege barýy úshin qolaily jaǵdai jasalýy kerek.
«2019 jyldyń 1 qyrkúiegine deiin aýmaqtyq damýdyń boljamdyq shemasyn ázirleýdi tapsyramyn. Bul elimizdegi ýrbanizatsiianyń jańa basqarý kartasy bolady. Munda qai aýyldardy damytý qajettigin anyqtaý kerek. Eldi mekenderdiń joiylýynan 1300 mektep bos qaldy. Iaǵni, qaida nysan turǵyzyp, qaida joldy júrgizý kerektigin bilý qajet. Jańa basqarý kartasy degenimiz osy», - dep túsindirdi Prezident.
.jpeg)