Foto:astanatv.kz
Biylǵy jyl qalai ótti, 2025 jylǵa qandai josparlar ba? ULT.KZ tilshisi Májilis depýtattarynan jyldy qalai qorytyndylap jatqanyn bildi.Depýtat Abzal Quspan elde bolǵan qaiǵyly jaǵdailar biylǵy jyldyń ońai ótpegenin kórsetip otyrǵanyn aitsa, májilismen Aidarbek Qojanazarov «qoǵamda eshqandai muqtaj adam bolmaǵan kezde ǵana ózime kóńilim tolady» dep otyr. Al depýtat Dáýlet Muqaev jyl saiyn jańa jyl qarsańynda kem degende 50 armanyn jazatyn kórinedi. Biyl depýtat armandarynyń 90 paiyzyn oryndapty.
Májilis depýtaty Abzal Quspan:
- «Ókinishke qarai qazirdiń ózinde Talǵarda bolyp jatqan oqiǵany alyp qaraiyq, dál búgingi bolǵan ushaq apaty siiaqty qaiǵyly jaǵdailar bar 2024 jyldyń aýyr ótkenin kórsetedi.
Al jeke basymda birqatar iske asqan sharalarym da bar. Mysaly úshin Parlament tarihyndaǵy eń úlken zań jobasy - Qylmystyq, qylmytsyq protsessýaldyq jáne qylmystyq atqarý Kodeksteri jumys tobynyń jetekshisimin. Osy jumysty aiaqtap qaldym. Biraq búgingi plenarlyq otyrysqa úlgerte almadym. Endi qańtar aiynda shyǵaramyn dep otyrmyn. Onda qarapaiym tergeýshiler, birinshi satydaǵy sýdialardyń jumysyn kádimgidei jeńildetetin zań jobasy bolady. Qylmystyq zańnama degendi kóp adam túsine bermeidi, ár bir basqan qadamyńyz azamattardyń Konstitýtsiialyq quqyǵymen shekteledi. Sol sebepti de osy úlken zań jobasyn aiaqtaǵaly jatyrmyn. Biyl negizinen sol zań jobasymen ainalystym.
Jalpy Qazaqstan ásirese syrtqy saiasatta úlken jetistikterge qol jetkizdi dep esepteimin. Álemde bolyp jatqan qanshama ystyq núktelerge qaramastan memldeket basshysynyń kásibi biliktiligi, osy saladaǵy tájiribesiniń arqasynda óte yńǵaisyz geografiialyq jaǵdaida ornalassaq ta bizdi bul ainalyp ótýde. Muny eldiń qaýipsizdigi turǵysynan úlken jetistik dep sanaimyn. Bolashaqta da tynyshtyǵymyz saqtalsa dep tileimin».
Ult.kz tilshisi:
- «2025 jyl qalai bolady? Ýkrainada soǵys áli jalǵasyp jatyr, AQSh prezidenti bolyp Donald Tramp kelip jatyr, basqa da iri saiasi oqiǵalar elimizge qalai áser etpek?»
Abzal Quspan:
- «Ashyǵyn aitý kerek 2025 jyl bizge úlken qiyndyqtarmen keledi dep esepteimin. Onyń basty sebepteriniń biri ózińiz aitqandai Tramptyń sailaýda jeńiske jetýi jáne onyń sailaýaldy baǵdarlamasyndaǵy munaidyń baǵasyn 40 dollarǵa deiin túsiremin degen málimdemesi. Bundai jaǵdaida Qazaqstan ekonomikasyna bul óte keri áser etetin bolady. Biylǵy 2024-ten de belbeýimizdi qattyraq tartýymyzǵa týra keledi. Bul bizdiń ekonomikalyq-áleýmettik jaǵdaiymyzǵa teris áser etedi dep oilaimyn. Biraq, kim bilgen, Úkimet aiaq astynan jaqsy-jaqsy sheshimder qabyldap, kiris kirgizýdiń jańa joldaryn taýyp, sol jemisin bermasa qiyndaý bolatyn siiaqty.
Ózim keler jyly negizinen qylmystyq zańnamaǵa jáne qylmystyq isterge qatysty máseleler kóteremin. 2024 jyly baiqasańyzdar qazaq qoǵamyn kóbirek alańdatqan másele qylmystyq isterge qatysty boldy. Quqyqqorǵaý organdarynyń áreketteri nemese kerisinshe áreketsizdigine bailanysty týyndap jatyr. Sondyqtan men de osy baǵyttan taimaityn bolamyn. 2024 jyly eń kóp depýtattyq saýal Bas prokýrordyń atyna joldadym. 2025-te de osy baǵytta jumysymdy jalǵastyratyn bolamyn».
Depýtat Dáýlet Muqaev:
- «Men blogymda da aitamyn, arman-maqsattardy jazý kerek. Ol motivatsiia beredi. Bárimiz pendemiz, sharshaimyz. Sol kezde arman-maqsattaryń jazylǵan paraqqa qarap, alǵa umtylýǵa kómektesedi.
Biylǵy jumystaǵy nátijelerimizge keler bolsaq, bizde jumys tobynda bolǵan otbasylyq zorlyq-zombylyqqa qarsy zańnyń kúshine enýi qazirgi kezde oń nátijesin berip jatyr. Odan bólek lýdomaniiaǵa qarsy zań, sonyń ishinde baiqasańyzdar jarnama men bilbord, barlyǵy qazir toqtady. Odan keiin ár Qazaqstan azamaty e-gov mobile arqyly ózine 10 jylǵa deiin shek qoia alady. Odan keiin veib saýdasynyń toqtaǵanyn da aýyz toltyryp aitýǵa bolady. Sosyn, úleskerlerdiń quqyǵyn qorǵaý boiynsha da zańnyń kúsheiýine ózimdik úlesimdi qosyp jatyrmyn. Al keler jylǵa áli jospar qurǵan joqpyn».
Májilismen Aidarbek Qojanazarov:
- «Biz memlekettik satyp alý boiynsha eń kóp ózgerister engizgen partiiamyz. 70 -ten astam tolyqtyrýlar men ózgertýler engizdik. Atap ketsek, orta jáne kishi biznesterdi qorǵaý úshin satyp alý júiesinde eki nemese odan da kóp jekemenshik satypalýshy bolsa, onda kvazimemlekettik qatysýshyny alyp tastaýǵa zańǵa túzetý engizdik. Bul bizdiń bizneste júrgen azamattarǵa biznesin nyǵaitýǵa kómektesedi.
Eń myqty ózgeristerdiń birin aityp keteiin, Samuryq-Qazynanyń 50 paiyz dividendin biýjetke tapsyrý. Mundai buryn bolmaǵan, jáne bunyń bastamashysy meniń ózim jáne bizdiń partiia men basqa partiia depýtattary. Endi Samuryq-Qazyna óz aqshasyn ózi qoldanyp otyra bermeidi, 50 paiyz dividendin Úkimetke ótkizedi jáne Úkimet ony qajet shyǵyndarǵa jaratady. Odan basqa Salyq Kodeksi boiynsha belsendi jumys istep jatyrmyz, ol áli kúnge deiin talqylanýda. Júzden astam usynysty bizdiń partiia usyndy. Osy Salyq Kodeksiniń ýaqyttyn sozdyryp bergen Prezidentimizge rahmet. Ol shynaiy, jaqsy Salyq Kodeksin jasap shyǵarýǵa múmkindik beredi. Bul istelgen jumystardyń on paiyzy ǵana shyǵar. Basqa da atqarylyp jatqan jumystar kóp».
Aita keteiik búgin, 25 jeltoqsanda Parlamenttiń tómengi palatasynyń jyldyq qorytyndy otyrysy ótti.
