2018 jyldyń 1 shildesinen zeinetkerlikke shyǵatyn áielderdiń zeinetaqysy 2 esege ulǵaitylady.
Bul týraly búgin Úkimet úiinde ótken baspasóz máslihatynda QR Eńbek jáne halyqty áleýmettik qorǵaý ministri Tamara Dúisenova málim etti, dep habarlaidy QazAqparat.
«Ózderińizde bilesizder, 2014 jyly zeinetaqyny odan ary jańǵyrtý jónindegi tujyrymdama, Zań qabyldandy. Soǵan sáikes, 2018 jyldyń 1 qańtarynan bastap zeinet jasyn arttyrý bastalady. Biraq biz áielderdiń zeinet jasyn 63-ke deiin arttyrýdy 10 jyl ishinde, 2018 jyldan 2028 jylǵa deiin júrgizemiz. Iaǵni, áiel azamatshalarymyz 2028 jyly ǵana 63 jasqa tolǵanda zeinetkerlikke shyǵady», - dedi Tamara Dúisenova.
Onyń aitýynsha, 2018 jyldyń 1 shildesinen bastap elimizde zeinetaqynyń bazalyq deńgeii kóteriledi.
«Sondyqtan oǵan ilikken azamatshalardyń bazalyq zeinetaqylary 2 esege ulǵaitylyp beriledi. Iaǵni, azamatshalarymyz zeinetaqy kóleminen utatyn bolady. Ary qarai áielderdiń zeinet jasyn 63-ke deiin ulǵaitý úshin jarty jyldan qosylyp otyrady», - dedi ol.
Ministrdiń sózine qaraǵanda, 2010 jyly qurylǵan Áleýmettik saqtandyrý qorynan dúniege bala ákelgen analarǵa járdemaqy berilip keledi.
«Dúniege bala ákelgen 150 myńǵa jýyq ana óz jalaqylarynyń 40 paiyzyn atalǵan qordan alatyn. 2016 jyly atalǵan qordan járdemaqy alatyn analardyń sany 255 myńǵa jetti. Iaǵni 105 myńǵa artyp otyr. Demek, biz osy ýaqytta analardy jumysqa tartýǵa kóp kóńil bóldik degen sóz. Qazirgi ýaqytta jumys istep júrgen analardyń sany kóbeiýde»,- dedi Dúisenova.
.jpeg)