Foto: ashyq derekkózden
KEGOS aktsionerlik qoǵamynyń basqarma tóraǵasy Nábi Aitjanov senator Ásem Rahmetovanyń Reseidegi Omby, Túmen oblystarynan soltústik óńirlerge gaz tartýǵa qatysty usynysyna pikir bildirdi, dep habarlaidy Kazinform agenttigi.
«Senatorlar eldiń soltústik óńirlerine Reseidiń Túmen, Omby oblystarynan qosymsha elektr jelisin tartý týraly usynys aityp, saýal joldaǵan edi. Elektr tapshylyǵyn Reseige táýeldilik arqyly sheshetin bolsaq, AES salýdyń qajeti qansha? Osy týraly oiyńyz qandai?» - dep surady jýrnalist.
KEGOS basshysy ondai jeliniń Qazaqstanǵa qajeti joq ekenin túsindirdi.
«Birinshiden, qosymsha jeli tartýdyń qajeti joq. Ekinshiden, biz Ekibastuzdan Jambylǵa deiin turaqty tok júiesin salamyz. Ol qosymsha jeli soltústikten ońtústikke qajetti elektr qýatyn tasymaldaidy.
Túmennen, Orynbordan jeli tartý usynysyna kelsek, Ekibastuzdyń áleýetin alaiyq. Bizdegi eń úlken qosalqy stantsiia sonda. Resei Federatsiiasynan Ekibastuzǵa deiin qazirgi bos turǵan júielerimizdiń qýaty 2,5 GVt. 2,5 GVt, bul – úlken qýat. Sondyqtan bizge Reseiden qosymsha jeli tartýdyń onsha qajettiligi joq», - dedi Nábi Aitjanov.
