فوتو: اشىق دەرەككٶزدەن
KEGOس اكتسيونەرلٸك قوعامىنىڭ باسقارما تٶراعاسى نەبي ايتجانوۆ سەناتور ەسەم راحمەتوۆانىڭ رەسەيدەگٸ ومبى, تٷمەن وبلىستارىنان سولتٷستٸك ٶڭٸرلەرگە گاز تارتۋعا قاتىستى ۇسىنىسىنا پٸكٸر بٸلدٸردٸ, دەپ حابارلايدى Kazinform اگەنتتٸگٸ.
«سەناتورلار ەلدٸڭ سولتٷستٸك ٶڭٸرلەرٸنە رەسەيدٸڭ تٷمەن, ومبى وبلىستارىنان قوسىمشا ەلەكتر جەلٸسٸن تارتۋ تۋرالى ۇسىنىس ايتىپ, ساۋال جولداعان ەدٸ. ەلەكتر تاپشىلىعىن رەسەيگە تەۋەلدٸلٸك ارقىلى شەشەتٸن بولساق, اەس سالۋدىڭ قاجەتٸ قانشا? وسى تۋرالى ويىڭىز قانداي?» - دەپ سۇرادى جۋرناليست.
KEGOس باسشىسى ونداي جەلٸنٸڭ قازاقستانعا قاجەتٸ جوق ەكەنٸن تٷسٸندٸردٸ.
«بٸرٸنشٸدەن, قوسىمشا جەلٸ تارتۋدىڭ قاجەتٸ جوق. ەكٸنشٸدەن, بٸز ەكٸباستۇزدان جامبىلعا دەيٸن تۇراقتى توك جٷيەسٸن سالامىز. ول قوسىمشا جەلٸ سولتٷستٸكتەن وڭتٷستٸككە قاجەتتٸ ەلەكتر قۋاتىن تاسىمالدايدى.
تٷمەننەن, ورىنبوردان جەلٸ تارتۋ ۇسىنىسىنا كەلسەك, ەكٸباستۇزدىڭ ەلەۋەتٸن الايىق. بٸزدەگٸ ەڭ ٷلكەن قوسالقى ستانتسييا سوندا. رەسەي فەدەراتسيياسىنان ەكٸباستۇزعا دەيٸن قازٸرگٸ بوس تۇرعان جٷيەلەرٸمٸزدٸڭ قۋاتى 2,5 گۆت. 2,5 گۆت, بۇل – ٷلكەن قۋات. سوندىقتان بٸزگە رەسەيدەن قوسىمشا جەلٸ تارتۋدىڭ ونشا قاجەتتٸلٸگٸ جوق», - دەدٸ نەبي ايتجانوۆ.
