24 qarashada «KEGOC» AQ Aktsionerleriniń kezekten tys jalpy jinalysy ótti. Baqytjan Qajievtyń óz usynysymen «KEGOC»AQ Basqarma tóraǵasy jáne Direktorlar keńesiniń múshesi retindegi ókilettigi merziminen buryn toqtatyldy, dep habarlaidy kompaniianyń baspasóz qyzmeti.
«KEGOC» AQ Aktsionerleriniń kezekten tys jalpy jinalysynyń sheshimimen Basqarma tóraǵasy bolyp Qanysh Moldabaev úsh jyl merzimge taǵaiyndaldy, onyń Direktorlar keńesiniń tóraǵasy retindegi ókilettigi de merziminen buryn toqtatyldy. Al Direktorlar keńesiniń tóraǵasy bolyp Súiinshilik Tiesov sailandy.
Sonymen qatar Ernat Berdiǵulovty «Samuryq-Qazyna» AQ múddeleriniń ókili retinde «KEGOC» AQ Direktorlar keńesiniń múshesi etip sailaý týraly sheshim qabyldandy.
S.A. Tiesov pen E. K. Berdiǵulovtyń ókilettik merzimi jalpy «KEGOC» AQ Direktorlar keńesiniń ókilettik merzimi aiaqtalǵanǵa deiingi merzimge belgilengen.
Qanysh Táńirbergenuly Moldabaev 25 jyldan astam basqarý tájiribesi bar. Eńbek jolyn 1987 jylǵy tamyzda Pavlodar oblysy Baianaýyl aýdany elektr jelileriniń slesari qyzmetinen bastady. 1987-1999 jyldary paidalaný men jóndeýden bastap Pavlodar oblysy Baianaýyl aýdanynyń elektr jelileriniń birinshi basshysyna deiin ár túrli laýazymda jumys istedi. 1999-2003 jyldary Pavlodar oblysy Baianaýyl aýdany ákiminiń orynbasary bolyp jumys istedi. 2003-2004 jyldary QR Prezidentiniń janyndaǵy Memlekettik qyzmet akademiiasynda oqydy. Oqýdy aiaqtaǵannan keiin, 2004 jyldan 2007 jylǵa deiin Energetika jáne mineraldyq resýrstar ministrliginiń Elektr energetikasy basqarmasynyń bastyǵy bolyp jumys istedi. Sodan keiin «KEGOC» AQ-ǵa jumysqa aýysty, 2007 jyldan bastap 2009 jylǵa deiin – «KEGOC» AQ «Soltústik JET» filialynyń direktory, 2009 jyldan bastap 2011 jylǵa deiin - UET-ty damytý departamentiniń direktory bolyp jumys istedi. 2011 jyldan bastap 2012 jylǵa deiin «Samuryq-Qazyna» AQ Indýstriialyq aktivterdi basqarý jónindegi direktory bolyp jumys istedi. 2012 jyldan bastap 2018 jylǵa deiin «Samuryq-Energo» AQ-da Innovatsiialyq-tehnologiialyq saiasat jáne damý departamentiniń direktorynan, Damý jáne satý jónindegi basqarýshy direktor-Basqarma múshesinen bastap Basqarma tóraǵasynyń birinshi orynbasaryna deiin túrli laýazymdarda jumys istedi. 2018 jyldan bastap 2019 jylǵa deiin «Qazaqstan atom elektr stantsiialary» AQ Bas direktorynyń orynbasary bolyp jumys istedi.
2019 jylǵy sáýirden bastap qazirgi ýaqytqa deiin «Energetika» sektorynyń basshysy, «Samuryq-Qazyna» AQ Energetikalyq jáne taý-ken aktivteri direktsiiasynyń direktory bolyp qyzmet atqardy.
Sonymen qatar 2021 jylǵy sáýirden bastap qazirgi ýaqytqa deiin Qanysh Táńirbergenuly «KEGOC» AQ Direktorlar keńesiniń tóraǵasy bolypqyzmet atqarady.
«Qurmet» ordenimen (2015j.), «Qazaqstan Respýblikasynyń táýelsizdigine 10 jyl» (2001j.) medalimen, «Qazaqstan Respýblikasynyń táýelsizdigine 20 jyl» (2011j.) medalimen, Qazaqstan Respýblikasy Energetika jáne mineraldyq resýrstar ministrliginiń Qurmet gramotasymen (2006j.), «TMD eńbek sińirgen energetigi» ataǵymen (2010j.). marapattaldy.
Súiinshilik Ámirhamzauly Tiesov Qazaq politehnikalyq institýtyn injener-elektrik mamandyǵy boiynsha bitirgen, tehnika ǵylymdarynyń kandidaty.
Mynadai jumys tájiribesi bar:
1968-1969 jj. – «Tselinenergo» ÓEB ortalyq dispetcherlik qyzmetiniń injeneri.
1969-1971 jj. –«Energosetproekt» ǴZIjJI relelik qorǵaý jáne avtomatika bóliminiń injeneri, aǵa injeneri, Almaty;
1971-1984 jj. – Qazaq KSR Energetika jáne elektrlendirý ministrliginiń JDB elektr rejimderin ońtailandyrý qyzmetiniń bastyǵy, aǵa injeneri, sektor bastyǵy, Almaty;
1984-1987 jj. – «Tselinenergo» ÓEB bas direktorynyń elektr jelileri jónindegi orynbasary;
1987-1989 jj. – «Gýrevenergo» ÓEB bas injeneri;
1989-1995 jj. – «Atyraýenergo» («Gýrevenergo») ÓEB bas direktory, Atyraý;
1995-1997 jj. –QR Energetika jáne kómir ónerkásibi ministriniń orynbasary, ministrdiń birinshi orynbasary;
1997-1999 jj. – QR Energetika, indýstriia jáne saýda departamentiniń direktory;
1999-2000 jj. – QR Memlekettik energetikalyq qadaǵalaý komitetiniń tóraǵasy.
2000-2001 jj. – «KEGOS» AAQ vitse-prezidenti;
2001-2004 jj. – «KEGOS» AAQ Aqmola filialynyń direktory;
2004-2016 jj. – «EQNQO» AQ Basqarma tóraǵasy (Elektr energiiasy men qýaty naryǵynyń qazaqstandyq operatory);
2016 jylǵy qazannan bastap qazirgi ýaqytqa deiin - «KEGOS» AQ Direktorlar keńesiniń múshesi, «Samuryq-Qazyna» AQ ókili. Súiinshilik Ámirhamzauly TMD jáne Qazaqstan Respýblikasynyń eńbek sińirgen energetigi, energetika ardageri, 2 jáne 3 dárejeli «Barys» ordenderimen, Qazaqstan Respýblikasy Prezidentiniń Alǵys hatymen marapattalǵan.
Ernat Qudaibergenuly Berdiǵulov Ulybritaniiada University of Warwick - Biznes ákimshilik etý magistri (2015-2018 jj.);
Memlekettik saiasat jáne halyqaralyq qatynastar mamandyǵy boiynsha University of Toronto (baǵyty-Halyqaralyq ekonomika) (2007-2010 jj.);
Bolashaq kóshbasshylarmen almasý baǵdarlamasy boiynsha Marysville Pilchuck High School (FLEX) (2004-2005 jj.).
«Samuryq-Qazyna» AQ Basqarýshylyq esepteý júiesin (BEJ) engizý boiynsha jobalaý keńsesinde jumys tájiribesi bar (2011-2012jj.), «Samuryq-Energo» AQ Analitika qoldaý departamentiniń direktory, Strategiialyq damý departamentiniń direktory, Jobalardy basqarý departamentiniń direktory boldy (2013-2018jj.), «Samuryq-Qazyna» AQ Aktivterdi basqarý direktsiiasynyń taldaýshysy (2019-2021jj.), 2021 jylǵy sáýirden bastap «Samuryq-Qazyna» AQ Strategiia, turaqty damý jáne tsifrlyq transformatsiia jónindegi seriktes basqarýshy direktory bolyp qyzmet atqardy.
