Almaty oblysynyń Kegen aýdanynda 53 mal qarasan jáne pasterellezden óldi. Bul jónnide aýdandyq ákimdik málimdedi, dep habarlaidy "Ult aqparat".
Kegen aýdany ákiminiń baspasóz qyzmetiniń aqparatyna sáikes, shetinen qyrylyp jatqan mal Bóleksaz aýylyndaǵy jeke sharýashylyqqa tiesili. Ákimdik qazir bul sharýa qojalyǵy karantinge jabylǵanyn, ondaǵy myń basqa egý jumystary júrgizilgenin jetkizdi.
«Oblystyq zerthananyń qorytyndysy boiynsha qarasan, pasterellez aýrýyna oń nátije kórsetti. Osy ýaqytqa deiin 19 bas qarasan aýrýynan óldi. Al aldyndaǵy bizge habarlamai ólgen 34 mal basy veterinarlyq mamandardyń qatysýymen Bóleksaz aýylyndaǵy mal óleksesi tastalynatyn jerge tastaldy», - dedi Kegen aýdandyq veterinariia stantsiiasynyń direktory Qabyl Tókenov.
Al aýyl turǵyndary ólekselerdiń kózin joiý durys júrgizilmedi deidi.
«Myna aýyldyń ainalasyndaǵy búkil sý, qardyń sýy osylardyń qojalyǵy arqyly ótedi. Mynalar týra sý aǵatyn jerge salǵan. Bulardyń qidyń astyna jasyrǵan maldyń óleksesinen aýrý shyǵyp jatyr. Qashanyń astynan sý shyǵyp jatyr, kún jylynǵanda ol ózenge qosylady. Búkil mal ol jerden sý ishedi. Maldyń sútin biz ishemiz. Myna aýylda basqa aýrý shyǵady endi. Biz Qazaqstanǵa jańa aýrý túrin alyp kelemiz be dep qorqyp turmyz», deidi Bóleksaz aýylynyń turǵyndary.
Sol sebepti turǵyndar qojalyq aýyldan kóshirilsin dep talaptaryn qoiýda.
