Almaty oblysy Memlekettik kirister departamentiniń ókilderi Qazaqstannyń Qytaimen shekarasyndaǵy júk kólikteriniń uzyn-sonar kezekte turýyn túsindirdi. Olar muny qytailyq taraptan sanitarlyq normalardyń kúsheiýinen ekenin málimdedi, - dep habarlaidy Tengrinews.kz tilshisi.
Departamenttegiler "Nur joly" ótkizý pýnktinde Qazaqstannan Qytaiǵa kiretin kólikterdiń kezekke turyp qalǵanyn rastady.
"Bul Qytai tarapynda sanitarlyq sharalardyń kúsheiýine bailanysty bolyp tur. Sebebi olar kólikti óńdeidi, júrgizýshine temperatýrasyn ólsheidi, júrgizýshiniń sanktsiiasyz shyqqanyna kabinany plomb, júrgizýshi belgili bir qajettilik úshin syrtqa shyqsa, ony alyp júrý siiaqty protsedýralar ýaqyt alady. Taýardy júktegen kezde de qytailyq baqylaý qyzmeti qadaǵalap turady", - dedi Almaty oblysy MKD kedendik ákimshilendirý basshysy Ǵabit Orazov.
Onyń aitýynsha, pandemiiaǵa bailanysty qytailyq tarap óz territoriiasynda kólikterdiń jinalýyna tyiym salǵan. Onyń ústine qazaqstandyq júk kólikteri QHR territoriiasynda 12 saǵat qana bola alady.
Pandemiiaǵa deiin qytailyqtar kúnine 150-ge jýyq kólik kirgizýdi josparlaǵan, al pandemiia bastaǵannan beri 20-ǵa jýyq kólik kirgizip jatyr eken.
"Bul problemany sheshý úshin qytailyq tarappen birneshe ret kelissóz júrgizildi. Endi kúnine 100-ge jýyq kólikti kirgizip jatyr. Endi bizdiń kólikter Qytai territoriiasynda 24 saǵat bola alady", - dep qosty Orazov.
Onyń aitýynsha, kóbine júrgizýshilerde tasymaldaý úshin arnaiy kelisimshart bolmai, kóp ýaqyt soǵan ketedi. Mundai kólikter júk tiemei keri qaitady da, taǵy kezekke turady.
"Biz óz tarapymyzdan "Nur joly" ótkizý pýnktine Qytaiǵa taýar eksporttap alyp bara jatqan kólikterimiz úshin "jasyl dáliz" ashyp qoidyq jáne mundai kólikter kezekke turmaidy", - dedi ol.
Eske salaiyq, buǵan deiin buqaralyq aqparat quraldarynda Qazaqstan-Qytai shekarasynda júk kólikteri uzyn-sonar kezekke turyp qaldy dep habarlandy. Shekarada ailap kepteliste turǵan júk kólik ieleri shaǵymyn aitty.
