QR Qarjy ministrliginiń Memlekettik kirister komiteti halyqaralyq poshtamen jiberiletin jeke paidalanýǵa arnalǵan taýarlardy bajsyz ákelý normalary týraly málim etti, dep habarlaidy "Ult aqparat".
Bul normalar Eýraziialyq ekonomikalyq komissiia Keńesiniń 2017 jylǵy 20 jeltoqsandaǵy № 107 «Jeke paidalanýǵa arnalǵan taýarlarǵa qatysty keibir máseleler týraly» sheshimimen aiqyndalǵan.
Osylaisha, kedendik baj salyǵyn tólemei-aq, Qazaqstan azamattary quny 200 eýrodan aspaityn jáne salmaǵy 31 keliden aspaityn sálemdemeler ala alady. Belgilengen normalardan asqan jaǵdaida, qunnan 15% mólsherde, biraq qundyq nemese salmaq normalarynan asyp ketken salmaqtyń ár kelisi úshin 2 eýrodan kem emes mólsherde kedendik tólemder talap etiledi.
2020 jyldyń 1 qańtarynan bastap baj salyǵyn tóleý úshin árbir jeke sálemdemeniń salmaǵy men quny negizge alynady. Mysaly, sheteldik internet-dúkende tapsyrys berilgen, quny 300 evro bolatyn sálemdemege jolaýshynyń kedendik deklaratsiiasyn tapsyrý qajet, sondai-aq qundyq normasynan asyp ketý qunyna 15% mólsherinde kedendik bajdardy tóleý kerek (iaǵni, 100 eýrodan 15%). A eger sálemdeme quny 200 eýrodan tómen bolsa, biraq onyń salmaǵy 35 keli bolsa (iaǵni, salmaq normasynan 4 keli artyq), onda 4 keli salmaǵy kedendik baj salyǵyna jatady.
Halyqaralyq poshta arqyly jiberilgen jeke paidalanýǵa arnalǵan taýarlar kedendik deklaratsiialaýǵa jatady. Halyqaralyq poshta arqyly jiberilgen taýarlardy kedendik deklaratsiialaý kezinde Dúniejúzilik poshta odaǵynyń aktilerinde kózdelgen qujattar jáne olarǵa ilespe halyqaralyq jóneltilimder (CN 22, CN 23, CP 71, CP 72, E1) jolaýshynyń kedendik deklaratsiiasy retinde paidalanylýy múmkin.
Halyqaralyq poshta arqyly jiberiletin jeke paidalanýǵa arnalǵan taýarlardyń quny Dúniejúzilik poshta odaǵynyń aktilerinde kózdelgen jáne osyndai halyqaralyq poshta jóneltilimderimen birge júretin qujattarda málimdeledi. Bul rette, halyqaralyq poshta jóneltiliminiń málimdelgen quny, eger ol Dúniejúzilik poshta odaǵynyń aktilerinde kózdelgen qujattarda kórsetilgen jeke paidalanýǵa arnalǵan taýarlar qunynan asyp ketse ǵana jeke paidalanýǵa arnalǵan taýarlardyń quny bolyp sanalady. Jeke paidalanýǵa arnalǵan taýarlardyń qunyna kólik jáne saqtandyrý shyǵyndary kirmeidi.
Halyqaralyq poshta aiyrbastaý oryndarynda (mekemelerinde) saqtalǵan halyqaralyq poshta jóneltilimderi úshin ýaqytsha saqtaý merzimi alty aidy quraidy.
Eýraziialyq ekonomikalyq komissiia keńesiniń 2017 jylǵy 20 jeltoqsandaǵy № 107 «Jeke paidalanýǵa arnalǵan taýarlarǵa qatysty keibir máseleler týraly» sheshimine (№1 qosymsha) sáikes, jeke paidalanýǵa arnalǵan taýarlardy bajsyz ákelý normalaryn odan ári tómendetý qarastyrylmaǵanyn eskerý qajet.
Eýraziialyq ekonomikalyq odaqtyń Keden kodeksiniń 2-baby 1-tarmaǵynyń 47-tarmaqshasyna sáikes, halyqaralyq poshta jóneltilimderi - Dúniejúzilik poshta odaǵynyń (budan ári - DPO) aktileri boiynsha poshta almasý obektileri bolyp tabylatyn, DPO aktilerinde kózdelgen qujattar ilestire beriletin, halyqaralyq poshta almasý oryndarynan (mekemelerinen) EAEO kedendik aýmaǵynyń sheginen tysqary jiberiletin ne EAEO kedendik aýmaǵyna halyqaralyq poshta almasý oryndaryna (mekemelerine) kelip túsetin ne EAEO kedendik aýmaǵy arqyly tranzitpen júretin sálemdemeler jáne jazbasha hat-habar.
Halyqaralyq poshta jóneltilimderiniń joǵalýy, búlinýi, halyqaralyq poshta jóneltilimderine salynǵan zattardyń jetispeýi, halyqaralyq poshta jóneltilimderiniń jetkizilmeýi nemese jiberilmeýi úshin Dúniejúzilik poshta konventsiiasynyń erejelerine sáikes poshta ákimshilikteri jaýapty.
DPO-ǵa múshe elder aýmaǵynda poshta bailanysynyń qyzmetterin kórsetetin uiymdar poshta operatorlary bolyp tabylady. Qazaqstan Respýblikasynda mundai operator - «Qazposhta» aktsionerlik qoǵamy.
Sálemdemeniń qaida ekenin «Qazposhta» AQ-nyń www.post.kz resmi saitynan kórýge bolady (sálemdeme Qazaqstan Respýblikasynyń shekarasynan ótken sátten bastap baqylanady).
Aita ketken jón, halyqaralyq poshta arqyly jiberilgen jeke paidalanýǵa arnalǵan taýarlardy Eýraziialyq ekonomikalyq odaqtyń kedendik shekarasy arqyly ótkizý tártibi Eýraziialyq ekonomikalyq odaqtyń Keden kodeksiniń 37 jáne 40-taraýlarymen, Keden odaǵy komissiiasynyń 2010 jylǵy 18 maýsymdaǵy № 310 «Dúniejúzilik poshta odaǵynyń aktilerinde kózdelgen qujattardy kedendik deklaratsiia retinde paidalaný tártibi týraly nusqaýlyqty bekitý týraly» sheshimimen, Eýraziialyq ekonomikalyq komissiia keńesiniń «Jeke paidalanýǵa arnalǵan taýarlarǵa qatysty keibir máseleler týraly» 2017 jylǵy 20 jeltoqsandaǵy № 107 Sheshimimen aiqyndalǵan.
