Foto: elements.envato.com
Kedendegi oligopoliiaǵa qarsy kúres aiasynda jeti operatordan shamamen 60 milliard teńge óndirildi. Bul týraly komissiianyń resmi ókili Zeiin Álipbek málimdedi, - dep habarlaidy Tengrinews.kz.
Resmi ókildiń aitýynsha, Ekonomikalyq resýrstardyń zańsyz shoǵyrlanýyna qarsy is-qimyl jónindegi vedomstvoaralyq komissiia Úkimettiń aktileri men sot sheshimderin, onyń ishinde oligopoliia paidasyna memlekettik aktivterdi jekeshelendirý jáne ielikten shyǵarý týraly zertteýlerdi jalǵastyryp jatyr. Olardyń keibireýi boiynsha, qabyldanǵan sharalar arqasynda nátije bar.
"Buǵan deiin Bas prokýratýra júrgizgen tekserý nátijeleri boiynsha 10 ýákiletti ekonomikalyq operatorǵa 107 milliard teńgege kedendik tólemder men salyqtar qosa eseptelgeni habarlandy.
Biyl tamyzda alty operator (Almobi Group JShS, Ehpress Keden Servis, Group of the companies TDA, Ai-To Progress, Global Logistics Ved jáne TL NIKA keden) biýdjetke 2,7 milliard teńge tóledi.
Sybailas jemqorlyqqa qarsy qyzmet qabyldaǵan sharalar arqasynda "Teh Alians" JShS operatoryna qatysty tergeý aiasynda biyl 2-15 qyrkúiek aralyǵynda 56,9 milliard teńge óndirildi. Soma biýdjetke tústi", - dedi Zeiin Álipbek.
Budan bólek, qadaǵalaý aktisi boiynsha memleket kirisine "SP KazGerStroi" JShS-nen Aqmola oblysy Tselinograd aýdany ákimdigi aldyndaǵy mindettemelerin oryndamaǵany úshin 330 million teńge mólsherinde zalal óndirildi. SQO ákimdigi teńgerimine "Qyzyljar orman sharýashylyǵy" KMM-niń 149 million teńgege TranscomLTD JK paidasyna zańsyz ielikten shyǵarylǵan memlekettik múlki qaitaryldy. Satyp alý-satý sharty buzylǵan.
Komissiia jumys istegen úsh aidyń ishinde memleketke keltirilgen zalal óteldi jáne jalpy somasy 523 milliard teńgeden asatyn múlik qaitarylǵan.
Qylmystyq isterdi tergeý aiasynda memleketke 518 milliard teńgege jýyq shyǵyn ótelgeni, onyń ishinde sheteldik iýrisdiktsiialardan alynǵany 173 million dollar ekeni atap ótildi.
"Prokýrorlyq aktilerge sáikes jalpy quny 5 milliard teńgeden asatyn 75 myń gektar jer memleket menshigine qaitaryldy, sondai-aq 600-den asa temirjol jelisi men oǵan qatysty jer telimderi qaitaryldy", - dep tolyqtyrdy Álipbek.
