Foto: ashyq derekkóz
Almaly aýdandyq soty qalalyq ortalyq keden zerthanasynyń basshysy A. Satybaldiev pen bas maman B. Álibekovti jeti jylǵa bas bostandyǵynan aiyrdy, dep habarlaidy Ult.kz.
"Olar kásipkerlik sýbektileriniń ókilderinen keden sarapshylarynyń qorytyndylaryn jedeldetip berýge birneshe ret para alǵany úshin kináli dep tanyldy", - dep jazady Antikor.
Sondai-aq, sot keden brokerleri Nikolas V., Kazantseva S. jáne Garýni S. atalǵan laýazymdy tulǵalarǵa para bergeni úshin aiyppul saldy.
Ortalyq keden zerthanasy - Qarjy ministrliginiń Memlekettik kirister komitetine vedomstvolyq baǵynyshty uiym. Mekeme keden arqyly ótetin taýarlardy tekseredi, sonymen qatar kontrabandamen kúresýge jáne naryqty qaýipti taýarlardan qorǵaýǵa kómektesedi.
