«Syrym» veterinariialyq baqylaý beketinde eki júk kóligin tekserý kezinde veterinariialyq-sanitariialyq talaptardyń buzylǵany anyqtaldy. Sonyń saldarynan 40 tonna bidai kebegi men 20 tonna muzdatylǵan qoi eti keri qaitaryldy, dep habarlaidy ult.kz.
Aýyl sharýashylyǵy ministrliginiń málimetinshe, júk kólikteriniń biri Reseidiń Ýlianov oblysynan Túrkistan oblysynyń Sairam aýdanyna 40 tonna bidai kebegin alyp bara jatqan. Tekserý barysynda júktiń veterinariialyq ilespe qujattary men tiisti tańbalaýy joq ekeni anyqtalǵan. Sonymen qatar ónim termiialyq óńdeýden ótpegen.
Ekinshi kólik Mońǵoliianyń Ulan-Batyr qalasynan Tájikstannyń Dýshanbe qalasyna 20 tonna muzdatylǵan qoi etin tasymaldaǵan. Alaida tekserý kezinde bul ónimdi Qazaqstan aýmaǵy arqyly tranzitpen ótkizýge ýaqytsha shekteý engizilgeni belgili boldy.
Eki júk kóligi de keri qaitaryldy. Júrgizýshilerge qatysty Ákimshilik quqyq buzýshylyq týraly kodekstiń 406-baby boiynsha ákimshilik hattamalar toltyrylyp, aiyppul salyndy.
Ministrlik málimetinshe, jyl basynan beri «Syrym» veterinariialyq baqylaý beketinde 249 zańbuzýshylyqtyń joly kesilgen. Nátijesinde 249 júk kóligi keri qaitarylyp, 117 adamǵa qatysty ákimshilik hattama toltyrylǵan.
