Qazyǵurt aýdanynda ónerkásip ónim óndirisiniń kólemi biyl 9 aida 9 964,9 mln teńgeni qurap, ótken jyldyń tiisti kezeńimen salystyrǵanda 609,4 (105,0%) mln teńgege artyq oryndalyp otyr. Bul týraly óńirlik kommýnikatsiialar qyzmetinde ótken brifingte Qazyǵurt aýdanynyń ákimi A.Abdýllaev málimdedi.
«Qazyǵurt aýdanynda óńdeý ónerkásibi óniminiń kólemi 8 478,1 mln teńgeni qurap, ótken jyldyń tiisti kezeńimen salystyrǵanda 1005,6 mln teńgege artyq oryndaldy. Al negizgi kapitalǵa tartylǵan investitsiia 18 974,1 mln teńge boldy. Sondai-aq, bólshek saýda ainalymynyń kólemi 6 566,7 mln teńgeni qurap otyr», - dedi Arman Aidaruly.
Spikerdiń sózinshe, shaǵyn jáne orta kásipkerlik sýbektileriniń sany 11 416 birlikti quraǵan. Sondai-aq, biylǵa josparlanǵan 49 shaǵyn jobanyń 43-i iske qosylǵan. Al aýyl sharýashylyǵynyń jalpy ónimi 49 385,8 mln teńgege oryndalǵan.
Sonymen qatar, qurylys jumystary qyzmetteriniń jalpy kólemi 5 447,8 mln teńge boldy. Biyl 21 428 sharshy metr turǵyn úi aýdany paidalanýǵa berildi. Jyl qorytyndysymen bul kórsetkishti 28 000 sharshy metrge jetkizý josparlanýda. Turǵyn úi kezegi máselesin sheshý maqsatynda Qazyǵurt eldimekeninen 2 qabatty 10 páterli 2 turǵyn úidiń qurylys jumystary júrgizilýde.
Odan ózge, aýdandaǵy 61 eldimekenniń 56-y (96,5%) ortalyqtandyrylǵan aýyz sýmen jáne 49-y (80,3%) tabiǵi gaz júiesimen qamtylsa, 98,4%-y ortalyqtandyrylǵan elektr jelisine qosyldy. Al 3 eldimeken turǵyndary bulaq kózisýyn paidalanady. Jalpy aýdanda 61 eldimekenniń 49-y tabiǵi gaz júiesimen qamtylyp, 80,3 paiyzdy kórsetip otyr.
Sonymen qatar ózekti máselelerdiń biri bolyp otyrǵan «Aqbýra» bulaq kózine qosymsha aýyz sý qoimasyn salý qurylys jumystary biyl bastalǵan. Onyń qurylysy 2023 jyly aiaqtalyp, paidalanýǵa berilmek. Joba iske asqanda Qazyǵurt aýdanynan 7 eldimeken, Tólebi aýdanynan 3 eldimeken 24 saǵat aýyzsýmen qamtamasyz etilmek. Sondai-aq 2021 jyly Yzabulaq, Shanaq beketi eldimekenderinde aýyzsý júieleriniń qurylys-montajdaý jumystary bastalyp, qazirgi tańda jumystar aiaqtalyp, eldimekenge aýyz sý berildi. Jalpy aýdanda turǵyndar kótergen máseleler oń sheshimin taýyp keledi.
Aita keteiik, biyl 102,9 shaqyrymdy quraityn 27 aýdandyq mańyzy bar jáne ishki joldarǵa orta jóndeý jumystary júrgizilýde. «Almaty – Tashkent – Termez» tas jolynan 2021-2022 jyly Qazyǵurt, Saraphana eldimekenderinen 3 jerústi jaiaý júrginshiler ótkeli salynyp, paidalanýǵa berildi. Al oqýshylar qaýipsizdigin qamtamasyz etý maqsatynda demeýshi esebinen Kezeńbulaq mektebine baratyn jaiaý júrginshiler ótkeli salyndy.
