Túrkistan oblysynyń politseileri táýlik ishinde 8 birdei toidy toqtatty, dep habarlaidy "Ult aqparat".
Qazyǵurt aýdanynda karantinge qaramastan táýlik ishinde ótken 8 birdei toi-jiyn anyqtaldy.
Iaǵni, karantin talaptary men salynǵan aiyppuldy elemesten, jasyryn toi jasaǵan.
Ótkizilgen ár toiǵa 50-150 aralyǵyndaǵy turǵyndar jinalyp, túrli saltanatty jiyndardy uiymdastyrǵan.
Mobildik top músheleri jinalǵan jurtshylyqqa túsindirme jumystaryn júrgizip, toiǵa kelgenderdi tarqatty.
Politseiler karantin talaptaryn elemegen toihana men toi ielerine qatysty QR ÁQBtK 425-baby boiynsha is-qujattardy jinaqtap, zańdy sheshim qabyldaý úshin Qazyǵurt aýdany boiynsha sanitarlyq-epidemiologiialyq baqylaý basqarmasyna joldady.
Óz kezeginde Túrkistan oblysynyń politseileri barlyq azamattarǵa karantin kezinde saqtyq sharalardy ustanyp, adamdar kóp shoǵyrlanǵan jerlerge barmaýdy, basqosýlar men toi-jiyndardy jasamaýdy eskertedi.
Karantin eskerilmei, quqyq buzýshylyqqa jol berilgen jaǵdaida, zań aiasynda jaýapkershilik qarastyrylǵan.
