تٷركٸستان وبلىسىنىڭ پوليتسەيلەرٸ تەۋلٸك ٸشٸندە 8 بٸردەي تويدى توقتاتتى, دەپ حابارلايدى "ۇلت اقپارات".
قازىعۇرت اۋدانىندا كارانتينگە قاراماستان تەۋلٸك ٸشٸندە ٶتكەن 8 بٸردەي توي-جيىن انىقتالدى.
ياعني, كارانتين تالاپتارى مەن سالىنعان ايىپپۇلدى ەلەمەستەن, جاسىرىن توي جاساعان.
ٶتكٸزٸلگەن ەر تويعا 50-150 ارالىعىنداعى تۇرعىندار جينالىپ, تٷرلٸ سالتاناتتى جيىنداردى ۇيىمداستىرعان.
موبيلدٸك توپ مٷشەلەرٸ جينالعان جۇرتشىلىققا تٷسٸندٸرمە جۇمىستارىن جٷرگٸزٸپ, تويعا كەلگەندەردٸ تارقاتتى.
پوليتسەيلەر كارانتين تالاپتارىن ەلەمەگەن تويحانا مەن توي يەلەرٸنە قاتىستى قر ەقبتك 425-بابى بويىنشا ٸس-قۇجاتتاردى جيناقتاپ, زاڭدى شەشٸم قابىلداۋ ٷشٸن قازىعۇرت اۋدانى بويىنشا سانيتارلىق-ەپيدەميولوگييالىق باقىلاۋ باسقارماسىنا جولدادى.
ٶز كەزەگٸندە تٷركٸستان وبلىسىنىڭ پوليتسەيلەرٸ بارلىق ازاماتتارعا كارانتين كەزٸندە ساقتىق شارالاردى ۇستانىپ, ادامدار كٶپ شوعىرلانعان جەرلەرگە بارماۋدى, باسقوسۋلار مەن توي-جيىنداردى جاساماۋدى ەسكەرتەدٸ.
كارانتين ەسكەرٸلمەي, قۇقىق بۇزۋشىلىققا جول بەرٸلگەن جاعدايدا, زاڭ اياسىندا جاۋاپكەرشٸلٸك قاراستىرىلعان.
