Ál-Farabi atyndaǵy Qazaq ulttyq ýniversiteti jer ýchaskesiniń 0,779 gektarǵa azaiý faktisi rastaldy. Bul jaiynda Májilis depýtattarynyń saýalyna Bilim jáne ǵylym ministri Ashat Aimaǵambetovtiń jaýabynda aitylǵan, dep habarlaidy "Ult aqparat".
«Ál-Farabi atyndaǵy Qazaq ulttyq ýniversitetiniń (budan ári – QazUÝ) jer telimin túzetýge qatysty post jariialaǵannan keiin, tez arada ministrliktiń jumys toby QR Sybailas jemqorlyqqa qarsy is-qimyl agenttigimen birlesip, baiandalǵan barlyq faktilerdi tekserýdi bastady. Júrgizilgen tekserý qorytyndysy boiynsha QazUÝ jer ýchaskesiniń 0,779 gektarǵa azaiý faktisi rastaldy», - dedi ol.
Ashat Aimaǵambetovtiń atap ótýinshe, osyǵan bailanysty jer ýchaskelerin basqarý bóliginde QazUÝ qyzmetin tolyqqandy zertteý maqsatynda ministrlik keshendi tekserý júrgizýdi kózdegen.
«Alaida, osy jylǵy naýryzda Respýblikalyq biýdjettiń atqarylýyn baqylaý jónindegi esep komiteti QazUÝ-ǵa aýdit bastaýyna bailanysty qoldanystaǵy zańnamaǵa sáikes tekseris júrgizý múmkin emes. Sonymen qatar 2021 jylǵy 10 aqpannan bastap QazUÝ-ǵa jańa basshylyq taǵaiyndaǵanyn atap ótken jón», - dedi ministr.
