Almatyda Janseiit Túimebaevtyń balasy jappai tártipsizdik kezinde oq tiip, qaitys boldy, - dep habarlaidy Tengrinews.kz.
Bul aqparatty ýniversitet basshysynyń baspasóz hatshysy rastady.
"Qaýesetterdiń aldyn alý maqsatynda QazUÝ habarlaidy: 6 qańtarda 18.35 shamasynda komendanttyq saǵattyń bastalýyna bir saǵat qalǵanda Elnar (Janseiit Túimebaevtyń uly) Nazarbaev dańǵylymen úiine qaityp kele jatqan. Sátbaev kóshesine jetpei qiylystaǵy baǵdarshamda belgisiz bireýler onyń kóligine oq atqan. Ol oqiǵa ornynda qaitys boldy", - dedi ýniversitet ókilderi.
Ýniversitet málimetinshe, tergeý júrip jatyr.
