Ál-Farabi atyndaǵy Qazaq ulttyq ýniversitetiniń Ál-Farabi kitaphanasynda kórnekti aqyn, ustaz-ǵalym Baýyrjan Jaqyptyń 60 jasqa tolǵan mereitoiyna arnalǵan «Baspa isi jáne ádebi úrdis: qalamger – redaktor – oqyrman» taqyrybynda halyqaralyq ǵylymi-tájiribelik konferentsiia ótti.
Konferentsiia jumysyna belgili ǵalymdar, qalamgerler, BAQ basshylary, QazUÝ-dyń oqytýshy professorlary men bilim alýshy jastary qatysty. Túrkiia, Qyrǵyzstan ǵalymdary men elimizdegi joǵary oqý oryndarynyń rektorlary sharaǵa onlain qatysyp, oi-pikirlerin bildirdi.
Ǵylymi basqosýdy Ál-Farabi atyndaǵy QazUÝ-dyń Basqarma Tóraǵasy – Rektory Janseiit Túimebaev quttyqtaý sózben ashyp, mereitoi iesiniń qazaq ádebietindegi airyqsha orny men ǵylymdaǵy izdenisterine toqtaldy.
«Eńbek jolyńyzdy jýrnalistikadan, ǵylymdaǵy jolyńyzdy QazUÝ-dyń stýdenti, ustazy bolyp bastap, filologiia ǵylymynyń doktory, professor, jýrnalistika fakýltetiniń dekany syndy tabysty, abyroily biik belesterdi baǵyndyrdyńyz.
Sizdiń bir qanatyńyz ǵylym bolsa, ekinshi qanatyńyz – ádebiette de jemisti eńbek etip kelesiz. Qazaq poeziiasynda qaitalanbas qoltańbańyz ben óz únińiz qalyptasty. Ádebietimizge qosqan jaýhar jyrlaryńyzdy búginde jastar jatqa oqidy», – dep atap ótti rektor.
Is-shara barysynda ǵylymi-tájiribelik konferentsiia materialdary toptastyrylǵan arnaiy jinaqtyń tusaýy kesildi.
QazUÝ janyndaǵy «Abai» ǵylymi-zertteý institýtynyń direktory, filologiia ǵylymynyń doktory, professor Janǵara Dádebaev, filologiia ǵylymynyń doktory, professor Namazaly Omashev syndy ǵalymdar baiandama jasady.
Konferentsiiaǵa qatysýshylar qalamger, ǵalym Baýyrjan Jaqyptyń búgingi baspa isi men ádebi úrdisterdi damytýdaǵy eńbegin jan-jaqty saralady.
Baspagerlik-redaktorlyq jáne dizainerlik óner kafedrasy uiymdastyrǵan konferentsiia aiasynda ǵalym Baýyrjan Ómirjanulynyń shyǵarmashylyq jáne ǵylymi-pedagogikalyq eńbek jolyna arnalǵan kitap jáne fotosýretter kórmesi qoiyldy.
Konferentsiia jumysy taqyryptyq sessiialarda jalǵasty.
Qaragóz SIMÁDIL,
ál-Farabi atyndaǵy QazUÝ-diń
Baspagerlik, redaktorlyq jáne dizainerlik óner kafedrasynyń oqytýshysy
