«QazTransOil» AQ Atyraý oblysynda 10 jyl boiy 50 ga jerdi zańsyz paidalanǵan, dep habarlaidy «QazAqparat» tilshisi.
«Jer týraly» zańnyń buzylýy bizdiń basqarma mamandary men kólik prokýratýrasynyń birlesken jospardan tys tekserýi barysynda anyqtaldy. Tekserý nátijesinde «QazTransOil» kompaniiasynyń 10 jyl boiyna memleket jerin jáne jerasty qubyry jelilerin óz paidasyna zańsyz paidalanǵandyǵy anyqtaldy. Zańsyz paidalanylǵan jer telimderi oblystyń Qurmanǵazy jáne Jylyoi aýdandarynda ornalasqan», - dedi Atyraý oblysy jerdi paidalaný jáne qorǵaýdy baqylaý basqarmasynyń bastyǵy Ǵibrat Súleimenov Óńirlik kommýnikatsiialar qyzmetinde ótken brifingte.
«QazTransOil» isine qatysty ákimshilik is júrgizilip, 4 mln 764 myń teńge aiyppul salyndy. Kompaniia bir ai kóleminde zań buzýshylyqty joiýǵa mindetti.
