Qazaqstan Úkimeti "QazTransGazǵa" ulttyq kompaniia mártebesin berdi, - dep habarlaidy kompaniianyń baspasóz qyzmetine silteme jasap.
"Qazaqstan Úkimetiniń 2021 jylǵy 30 qarashadaǵy № 852 qaýlysy boiynsha "QazTransGaz" AQ-qa ulttyq kompaniia mártebesi berildi. Tiisti tolyqtyrý "Ulttyq basqarýshy holdingterdiń, ulttyq holdingterdiń, ulttyq kompaniialardyń tizbesin bekitý týraly" QR Úkimetiniń qaýlysyna engizildi. Sondai-aq, QR Úkimetiniń №853 qaýlysymen "QazTransGaz" aktsionerlik qoǵamy "QazTransGaz" ulttyq kompaniiasy" aktsionerlik qoǵamy bolyp qaita ataldy", - delingen habarlamada.
Buǵan qosa, "Jer qoinaýy jáne jer qoinaýyn paidalaný týraly" QR kodeksiniń 278-baby 8-tarmaǵyna sáikes QR Úkimeti jer qoinaýyn paidalaný salasyndaǵy ulttyq kompaniialar qyzmetiniń arajigin ajyratýdy bekitti. Osy qujatqa sáikes, "QazTransGazǵa" gaz jáne gaz kondensatty ken oryndarynda barlaý jáne óndirý boiynsha basymdyq quqyq berildi.
