© Photo: "QazTransGaz" AQ baspasóz qyzmeti
Almaty prokýrorlary «QazTransGaz Aimaqqa» jarty milliard teńge aiyppul salyp, tarifti tómendetti, dep habarlaidy "Ult aqparat" qala prokýratýrasyna silteme jasap.
Vedomstvo málimetinshe, «QazTransGaz Aimaq» AQ Almaty óndiristik filialynyń qyzmetine júrgizilgen tekserý barysynda ústem jáne monopoliialyq jaǵdaidy teris paidalaný faktileri anyqtalǵan.
"Mysaly, monopolistterdiń sharty boiynsha kásipkerler gazdyń paidalanylmaǵan kólemi úshin gaz qunynyń 10 paiyzyn zańsyz tólep kelgen.
Ústem jáne monopoliialyq jaǵdaiyn teris paidalanǵany úshin «QazTransGaz Aimaq» AQ filialy QR «Ákimshilik quqyq buzýshylyq týraly» Kodeksiniń 159-baby 3-1-bóligi boiynsha jaýapqa tartylyp, 497,1 mln. teńge kóleminde aiyppul salyndy.
Sonymen qatar tabiǵi monopoliia sýbektisi 2022 jyly kórsetetin qyzmetter kóleminiń óskenine qaramastan, kompaniia 2023 jylǵa arnalǵan tarifti tómendetpegen (kórsetilgen qyzmetter kóleminiń ulǵaiýyna bailanysty tarif qaita qaralýǵa tiis)" - delingen habarlamada.
Osyǵan orai, Tabiǵi monopoliialardy retteý departamentiniń qadaǵalaý aktisimen, osy jyldyń 1 sáýirinen bastap taýarlyq gazdy tasymaldaý tarifin 6 paiyzǵa, 1000 m3 úshin 4 099,25 teńgeden 1000 m3 3 848,03 teńgege deiin tómendetý týraly buiryq shyǵarylǵan.
Qabyldanǵan sharalar Almaty qalasynda 450 000 tutynýshynyń, onyń ishinde 8 800 kásipkerdiń quqyǵyn qorǵady.
