"QazTemirTrans" qostanailyq filialynyń direktory para aldy degen aiyppen sottaldy, - dep habarlaidy "Ult aqparat" Sybailas jemqorlyqqa qarsy qyzmet agenttiginiń baspasóz qyzmetine silteme jasap.
"3 qazanda Qostanai qalasynyń №2 soty "Qaztemirtrans" AQ Qostanai filialynyń direktory B. Usabekov pen "Vadisa M" JShS direktory S. Tairovqa qatysty aiyptaý úkimin shyǵardy. Olar júk vagondaryn kedergisiz jáne jedel jetkizgeni úshin para alǵan ári bergen dep aiyptaldy", - delingen habarlamada.
Sot úkimimen Usabekovke ortasha qaýipsizdik mekemesinde 6 jylǵa bas bostandyǵynan aiyrý jazasy taǵaiyndalǵan. Al Tairovqa para berý deregi boiynsha paranyń jiyrma eselengen somasy mólsherinde aiyppul taǵaiyndalǵan. Bul soma 24 million teńgeni quraidy.
Sonymen qatar, sottalǵandar ómir boiy memlekettik qyzmette qyzmet atqarý quqyǵynan aiyrylady. Úkim zańdy kúshine engen joq.
