kórneki sýret
Batys Qazaqstan oblysynda "Qazposhta" AQ poshta bólimshesiniń eki qyzmetkeri 37 million teńgeden asa qarjy jymqyrǵany úshin sottaldy, - dep habarlaidy "Ult aqparat" Qarjylyq monitoring agenttigine silteme jasap.
"QMA BQO boiynsha departamenti «Qazposhta» AQ poshta bólimshesi eki qyzmetkeriniń JShS biriniń shotyna ótkizgen aqshasyn 4 jyl boiy urlaý faktisin anyqtady. Barlyǵy 37 million teńgeden astam aqsha urlanǵan.
Sonymen qatar, olar 2013-2020 jyldar aralyǵynda qujattardy qoldan jasaý arqyly zeinetkerdiń 1,2 mln. teńgedan astam qarajatyn iemdenip alǵan" - delingen habarlamada.
Operatorlar 7 jylǵa bas bostandyǵynan aiyrylǵan. Olarǵa qarjylyq jáne memlekettik uiymdarda materialdyq jaýapty qyzmetterdi atqarýǵa ómir boiyna tyiym salynady.
