Foto: pexels.com
Almaty oblysynyń prokýratýrasy "Qazposhtada" milliondaǵan jymqyrý áreketterin anyqtady. Bul týraly Ult.kz habarlady.
Almaty oblysynyń prokýratýrasy kórsetilgen memlekettik qyzmetter úshin qarajattyń túsýine júrgizilgen taldaý qorytyndysy boiynsha "Qazposhta" AQ-da biýdjet qarajatyn ysyrap etý faktilerin anyqtady.
Osy fakti boiynsha prokýratýra sotqa deiingi tergep-tekserýdi bastady, is júrgizý Almaty oblysynyń Ekonomikalyq tergep-tekserý departamentine berildi.
Tergeý barysynda "Qazposhta" AQ kassirleri túbirtekterdi burmalaý arqyly tólengen memlekettik baj salyǵynyń bir bóligin zańsyz iemdengeni anyqtaldy.
Qylmystyq shema 2021 jyldan 2023 jylǵa deiin tólqujattar men jeke kýálikterdi rásimdeý kezinde júrgizilgen.
Keltirilgen zalal somasy 80 mln teńgeden asqan.
Sot úkimimen 2 kassir asa iri mólsherde (QK-niń 189-baby 4-bóliginiń 2-tarmaǵy) bóten múlikti iemdenip alǵany úshin kináli dep tanylyp, bas bostandyǵynan aiyrý jáne materialdyq jaýapty, sondai-aq basshylyq qyzmetterdi atqarýǵa tyiym salý túrindegi jaza taǵaiyndaldy.
