"Qazposhta" AQ-nyń barlyq qyzmeti úsh kúnge toqtatylady. Bul týraly kompaniianyń resmi saitynda jariialandy.
Josparly tehnikalyq jumystar júrgiziledi.
"Nur-Sultan ýaqytymen 2022 jyldyń 28 tamyzynda saǵat 00:00-den 2022 jyldyń 31 tamyzy saǵat 08:00-ge deiingi aralyqta "Qazposhta" AQ bólimshelerinde, postamattarda, terminaldarda, "Kassa24" terminaldarynda, post.kz, postbank.kz saittarynda poshtalyq jáne qarjylyq qyzmetterdiń barlyq túri jumysyn toqtatady", - delingen resmi habarlamada.
Kompaniia mamandary jeksenbige deiin barlyq operatsiiany aldyn ala jasaýǵa keńes berdi.
"Bólimshelerge barý, terminaldar men onlain qyzmetter arqyly operatsiialar júrgizý, hattardy, qujattar men sálemdemelerdi qabyldaý/jiberý sekildi "Qazposhta" AQ qyzmetterin alatyn bolsańyz, aldyn ala josparlańyz. Týyndaǵan qolaisyzdyqtar úshin keshirim suraimyz", - deidi kompaniianyń baspasóz qyzmeti.
