«Qazposhta» AQ qyzmetkerleri 25 jyldyqqa orai 2500 aǵash otyrǵyzdy. Bul terekter elimizdiń túkpir-túkpirine egildi.
«Biz kún saiyn qyzmetterimizdiń sapasyn jaqsartýǵa jumys jasaimyz jáne tutynýshylarǵa arnalǵan jańa qyzmetterdi iske qosamyz. Búgin biz ár qalanyń turǵyndaryna arnap, mamyrgúl, qaiyń, úieńki alleialaryn syiǵa tartý arqyly elimizdi kógaldandyrýǵa óz úlesimizdi qosaiyq dep sheshtik», - dedi «Qazposhta» AQ Basqarma tóraǵasy Sáken Sarsenov.
Onyń aitýynsha, bul alleiany Qazposhta nazarynan tys qaldyrmaityn bolady.
«Búgin búkilálemdik poshta kúni. Biz ujymdastarymyzben birige otyryp, elimiz boiynsha aǵash ekkendi jón kórdik. Osyǵan orai respýblika aýmaǵyndaǵy árbir aýdanda bizdiń qyzmetkerler tal egýde. Biyl Qashposhtaǵa 25 jyl toldy, soǵan sáikes elimiz boiynsha 2500 terek egemiz dep sheshtik», – dedi S. Sársenov.
Sondai-aq, Astanadaǵy «Prezidenttik saiabaqqa» tal egýge kelgen poshta qyzmetkeri óz oiymen bólisip, bul is-sharanyń mańyzdylyǵyna toqtaldy.
«Alǵan áserim keremet. Tal egý aýany tazartady. Qalamyzǵa kórik beredi. Biz balalarymyzben saiabaqta serýendegendi unatamyz. Búgingi kún Qazposhta úshin erekshe kún. Este qalatyn oqiǵa desek te bolady. Bul bizdiń qyzmetkerlerimizdiń qalanyń damýyna, ekologiiaǵa qosyp jatqan úlesi. Turǵyndar munda kelip, serýendeitin bolady. Ózim de bala-shaǵammen kelip demalyp turatyn bolamyn», – deidi Qazposhta AQ Ishki bailanys departamentiniń bas menedjeri Bibigúl Adenova.
Eske sala keteiik, biyl Qazposhta óziniń 25 jyldyq mereitoiyn atap ótýde. Osy kezeńde kompaniia birshama joldy júrip ótti: poshta bailanysy bólimsheleriniń bólshek saýda jelisine negizdelgen poshtalyq jinaq júiesi quryldy, jeke protsessingtik ortalyǵyn ashty, tólem kartalaryn iske qosýdy retke keltirdi, poshta bólimshelerin jańalady, sálemdemeler sýpermarketterin, poshtamattardy jáne tsifrlyq keńselerdi ashty, sálemdemelerdi qadaǵalaýdy jáne suryptaýdy avtomattandyrdy, seriktestermen jumys isteýdiń servistik úlgisin usyndy.
