«Qazposhta» aktsionerlik qoǵamyna jańa basshy taǵaiyndaldy, dep habarlaidy "Ult aqparat".
«Samuryq-Qazyna» ulttyq ál-aýqat qory» AQ basqarmasynyń sheshimimen Qanat Alpysbaev «Qazposhta» AQ basqarma tóraǵasy bolyp taǵaiyndaldy. Buǵan deiin Qanat Alpysbaev «Samuryq-Qazyna» qorynyń logistika jáne halyqaralyq yntymaqtastyq jónindegi basqarýshy direktory qyzmetin atqarǵan, 2008-2018 jyldary «Qazaqstan temir joly» UK» AQ-da túrli laýazymdarda jumys istegen. Almaty temirjol kóligi injenerleri institýtyn bitirgen» dep habarlady qordyń qoǵammen bailanys jáne marketingtik kommýnikatsiialar departamenti.
Buǵan deiin «Qazposhta» AQ basqarma tóraǵasy qyzmetin atqarǵan Sáken Sársenov basqa jumysqa aýysýyna bailanysty qyzmetinen bosatyldy.
Qanat Qaliuly Alpysbaev 1972 jyly 31 naýryzda Aqmola oblysy Atbasar qalasynda dúniege kelgen.
Almaty temir jol kóligi injenerleri institýtyn, Kentýkki ýniversitetin (AQSh), Máskeý Halyqaralyq Joǵary biznes mektebin bitirgen.
Magistrlik ǵylymi dárejesi bar.
1994 jyldan 2002 jylǵa deiin Tyń temir joly kásiporyndarynda, «Qazaqstan temir joly» RMK, túrli baǵyttaǵy aktsionerlik qoǵamdarda jumys istedi.
«Eir Astana» JAQ qarjy jáne basqarý jónindegi direktory, qarjy jáne aqparattyq tehnologiialar jónindegi vitse-prezidenti bolǵan. 2005 jyldyń qarashasynan 2008 jyldyń maýsymyna deiin «Djeneral Elektrik» korporatsiiasy filialynyń biznesti damytý jónindegi direktory bolyp jumys istedi.
2008 jyldan 2013 jylǵa deiin «QTJ» UK» AQ Ekonomika jáne qarjy jónindegi vitse-prezidenti bolyp jumys istedi. 2013 jylǵy qańtardan 2016 jyldyń qyrkúiegine deiin – «QTJ» UK» AQ vitse-prezidenti boldy.
2016 jyldyń qyrkúieginen 2018 jyldyń qarashasyna deiin - «QTJ» UK» AQ Prezidenti – Basqarma tóraǵasy boldy.
2018 jyldan búgingi taǵaiyndaýǵa deiin - «Samuryq-Qazyna» qorynyń logistika jáne halyqaralyq yntymaqtastyq jónindegi basqarýshy direktory boldy.
