«Qazposhta» AQ Basqarma tóraǵasy Sáken Sársenov kompaniianyń Almaty oblysyndaǵy ókilderimen kezdesti. Onda poshtalyq bólimsheler, pochtalondar men operatorlar, sondai-aq, qyzmetterdi jetildirý týraly sóz qozǵaldy. Bul týraly ol óziniń Facebook paraqshasynda jazdy.
«Búginde Almatydaǵy filialda 2 myńnan astam adam qyzmet etedi. Olar poshtalyq bailanystyń 528 óndiristik nysanynda qyzmet usynady. Franchaizing modeli boiynsha 19 sálemdemeler sýpermarketi men 6 seriktes-bólimsheler jumys istep tur. Munda 57 qalalyq, 311 aýyldyq poshta bólimsheleri bar. Buǵan qosa, 51 tólem qabyldaý pýnktteri men 99 poshtalyq bailanys pýnktteri bar», – dep jazdy S. Sársenov.
Onyń aitýynsha, kezdesýde qaralǵan másele kórsetiletin qyzmettiń sapasyn arttyrý.
«Bul bizdiń tutynýshylyq qatynastardaǵy basty basymdyqtarymyz. Eger qyzmetkerler qyzmet kórsetý tásilin ózgertkisi kelmese, bizdiń kompaniiamyzben usynylǵan barlyq tehnologiialar paidasyz bolar edi. Eń bastysy, bizdiń áriptesterimizge jetkizgisi keletinimiz - alǵashqy nátijeler kórinetin kezde qol jetkizilgen jetistiktermen toqtap qalmaý. Turaqty nátijeler úzdiksiz qozǵalysqa bailanysty», – dedi Basqarma tóraǵasy.
Aita keteiik, «Qazposhta» AQ Basqarma tóraǵasy ótken jeksenbide Almatyǵa jumys saparymen baryp, oblystaǵy poshta ókilderimen kezdesken bolatyn. Onda qyzmetkerlerdiń sózderi tyńdalyp, jańa servister talqylanǵan.
