«Qazposhta» AQ jáne Soltústik Qazaqstan oblysynyń ákimdigi shalǵai aýdandar men aýyldarda memlekettik qyzmetterdi kórsetý jáne áleýmettik kartalardyń múmkindigin keńeitý máseleleri boiynsha birlese áreket etpek, dep habarlaidy "Ult aqparat".
Búgin «Qazposhta» AQ Basqarma tóraǵasy jáne Soltústik Qazaqstan oblysynyń ákimi yntymaqtastyq týraly memorandýmǵa qol qoidy.
Ekijaqty áriptestik Halyqqa qyzmet kórsetý ortalyqtary qarastyrylmaǵan eldi mekenderdiń turǵyndaryna memlekettik jáne áleýmettik qyzmetter úshin «Qazposhta» AQ bólimshelerine júginýge múmkindik bermek. Soltústikqazaqstandyqtar qajetti qyzmetterge aýdan ortalyqtaryna nemese qalaǵa jol tartpai-aq, tapsyrys beredi. Bul rette olar ózderiniń qarjysyn jáne ýaqytyn únemdeidi.
«Qazposhta» AQ basshysynyń sózinshe, poshta bailanysy bólimsheleri arqyly áleýmettik mańyzdy qyzmetterdiń kórsetilýi – bul óńir turǵyndary úshin yńǵaily jaǵdai jasaýǵa taǵy bir qadam.
« Búginde «Qazposhta» - álemniń kez kelgen núktesinen shalǵai aýyldarǵa sálemdemelerdi jetkizetin elimizdegi jalǵyz kompaniia. Ótken jyly soltústikqazaqstandyqtarǵa biz 300 myńnan astym poshta jóneltilimderin jetkizdik. Bul kórsetkish 2019 jylmen salystyrǵanda 1,5 ese artyq. Biz kompaniianyń múmkindigin aýyldyq jerlerde turatyn qazaqstandyqtarǵa memlekettik qyzmetti kórsetýge baǵyttaýǵa sheshtik. Elimizdiń barlyq óńirlerinde poshta bailanysynyń keń jelisi bar ekenin eskersek, bul joba qosymsha shyǵyndy talap etpeidi «, - dep atap ótti «Qazposhta» AQ Basqarma tóraǵasy Qanat Alpysbaev .
Ulttyq poshta operatory memlekettik jáne áleýmettik qyzmetterdi kórsetýge baǵyttalǵan pilottyq jobany Shyǵys Qazaqstan oblysynda júzege asyryp otyr. Biylǵy jyldyń 1 sáýirinen ShQO 167 poshta bailanysy bólimsheleri turǵyndarǵa egov.kz jáne aleumet.egov.kz portaldary arqyly qyzmet kórsetedi. Bul tájiribe Soltústik Qazaqstan oblysyndaǵy «Qazposhta» AQ bólimshelerinde de qoldanylmaq.
« Biz barlyǵymyz «Qazposhta» elimizdiń áleýmettik-ekonomikalyq damýyna úlken úles qosyp júrgenin kórip otyrmyz. Bizdiń oblystyń turǵyndaryna 167 poshta bailanysy qyzmet kórsetedi. Onda 1 304 adam eńbek etedi. Búginde 139 bólimshe avtomattandyrylǵan. Biyl bul kórsetkishti 100 % jetkizýdi josparlap otyrmyz. Onyń arqasynda oblystyń turǵyndaryna yńǵaily jaǵdai jasaimyz «, - dep atap ótti SQO ákimi Qumar Aqsaqalov .
Jospar boiynsha memlekettik qyzmetterdi 100-ge jýyq aýdandyq jáne aýyldyq poshta bailanysy bólimshesi kórsetedi. Soltústikqazaqstandyqtar onda elektrondyq-sandyq qoltańbaǵa jáne basqa memlekettik qyzmetterge onlain tártipte qol jetkize alady. Sonymen birge arqyly balalarǵa kepildendirilgen áleýmettik paketti alýǵa nemese múmkindigi shekteýli jandarǵa ońaltý quraldaryna ótinim berý qarastyrylmaq.
Sonymen birge tsifrlyq transformatsiialaý aiasynda áleýmettik kartalardyń múmkindigin keńeitý josparlanyp otyr. Qazposhtanyń kartalaryna zeinetaqy, járdemaqy, jalaqy aýdarýǵa bolady. Aldaǵy ýaqytta elektrondyq júielermen yqpaldastyrý jumystary júrgizilgennen keiin, olardy kólik jáne mektep kartalary retinde qoldaný múmkindigi qarastyrylmaq. Kartalardy poshta bólimshelerinde, tólem terminaldarynda, post.kz saitynda nemese mobildi qosymshasynda toltyrýǵa bolady.
