«Qazposhta» AQ tsifrlyq transformatsiia aiasynda qazaqstandyqtarǵa yńǵaily bolý úshin elektrondyq servisterdi belsendi túrde damytýda. Ulttyq poshta operatory qazaqstandyq naryqqa halyqaralyq kompaniialardy tartyp otyr. Kazpost tólem kartalaryn qoldanýshylar úshin LetyShops keshbek-servisi arqyly internet satyp alýlarǵa jumsalǵan aqshanyń 20% qaitarýǵa múmkindik bar.
«Qazposhta» AQ elimizde e-commerce naryǵyn damytýdy yntalandyrýda. Bul óz kezeginde ekonomikanyń qolma-qol aqshasyz tólem júiesine ótýine jol ashady. Poshta bailanysynyń ulttyq operatory 2027 jylǵa deiingi Damý strategiiasyna sáikes elektrondyq kommertsiiany damytý úshin ekojúieni qalyptastyrýǵa basa nazar aýdaryp otyr.
«Pandemiiaǵa bailanysty álemde tutynýshylardyń daǵdylary ózgergeni baiqalady. E-commerce úlesi artyp, online-servister qarqyn aldy. Qazposhta bul tendentsiialarǵa sáikes elektrondyq saýda alańdarymen bailanys ornatty, sonymen birge ózimizdiń tólem kartalarymyzdy shyǵaramyz. Onyń ishinde virtýaldy kartalar da bizdiń turǵyndarǵa usynylady. Osylaisha bizdiń klientterimizge yńǵaily jaǵdai jasaý úshin ózimizdiń ekojúiemizdi quryp, qyzmetterdiń tolyq spektrin usynyp otyrmyz», - dep atap ótti «Qazposhta» AQ Táýekelder jáne komplaens jónindegi basqarýshy direktory Nurqanat Nuraqynov.
Qol jetkizilgen kelisim onlain túrde satyp alýshylarǵa LetyShops seriktesterinen naýqanǵa bailanysty 20% deiin jáne qosymsha 2% deiin cashback Kazpost AliExpress, Kazpost Virtual kartalarymen tólegen kezde qarastyrylǵan.
Virtýaldy kartany post.kz saitynda jáne mobildi qosymshasynda ashýǵa múmkindik bar.
Satyp alýshylar úshin 3 myńnan astam internet-dúkendi biriktiretin keshbek-servistiń artyqshylyqtaryn qoldaný múmkindigi bar.
Rost.kz saitynda «Paidaly internet satyp alýlar» aidaryna ótip, onlain satyp alýdyń sharttarymen tanysýǵa bolady. Silteme boiynsha seriktestiń saityna ótip, tirkeýden ótý qajet.
Sodan keiin dúkendi tańdap, Qazposhta kartasymen onyń aqysyn tóleý qajet. Satyp alýdyń baǵasynan berilgen keshbekti Qazposhtanyń kez kelgen kartasyna aýdarýǵa bolady.
Búginde Ulttyq poshta operatory biznes-protsesterdi tsifrlyq transformatsiialaý jumystaryn belsendi júrgizýde. Qazposhta qyzmettiń sapasyn jetildirý jáne qazaqstandyqtarǵa yńǵaily bolý úshin jańa fýnktsiialardy qoldanysqa engizip otyr.
