«Qazposhta» AQ óziniń Batys Qazaqstan oblystyq filialynda jeke tulǵalardyń shottaryna bailanysty zańǵa qaishy áreketter jasalǵanyn rastaidy, dep habarlaidy "Ult aqparat".
«Bul fakt ishki reviziianyń barysynda anyqtaldy. Oǵan kináli adamdar boiynsha materialdar quqyq qorǵaý organdaryna tiisti protsessýaldy sharalar qabyldaý úshin jiberildi. Sonymen qatar atalǵan fakt boiynsha ishki qyzmettik tekserý júrgizilýde. Klientterdiń shottarynda qarjynyń jetispeýshiligi rastalǵan jaǵdaida ony «Qazposhta» AQ tolyq kólemde qaitarady. Tekserý qorytyndysy boiynsha qosymsha málimetter usynylady», - delingen «Qazposhta» AQ baspasóz qyzmeti taratqan habarlamada.
