Telegram messendjerinde balalar jappai aýyryp, ata-analary olardy COVID-19-ǵa qarsy egýge májbúr bolýy úshin mektep kabinetteri qaýipti himikattarmen óńdeledi degen feik taǵy da taralýda. Bul - jalǵan, dep habarlaidy Stopfake.kz saity.
Habarlamaǵa mektep kabinetin sanitarlyq óńdeý barysy kórsetilgen beinerolik tirkelgen. Bul kadrlardyń qaida jáne qashan túsirilgenin anyqtaý múmkin emes. Qoǵamdyq oryndardy sanitarlyq óńdeýmen ainalysatyn qazaqstandyqtardyń kiimi videoda kórsetilgennen ózgeshe.
Qazaqstanda mektepterde ýly zattar shashady degen qaýeset – QR DSM sanitarlyq-epidemiologiialyq baqylaý komiteti birneshe ret teriske shyǵarǵan feik.
– Qazaqstanda mektepterdi, aýrýhanalardy jáne basqa da qoǵamdyq oryndardy dezinfektsiialaý úshin ýytty emes jáne densaýlyqqa qaýipsiz zattar paidalanylady. Barlyq quraldar sertifikattalǵan, tizilimge engizilgen jáne qoldaný boiynsha naqty nusqaýlyqtary bar, onda sanitarlyq óńdeýge arnalǵan eritindilerdi daiyndaý proportsiialary kórsetilgen», – dep málimdedi komitettiń resmi ókili Erjan Baitanaev.
Sondai-aq, ol Qazaqstanda 12 jastan asqan jasóspirimderdi COVID-19-ǵa qarsy vaktsinatsiialaý ata-anasynyń nemese qamqorshylarynyń kelisimimen ǵana júrgiziletinin aitty.
Demek, Qazaqstanda mektepterde ýly himikattar shashatyny týraly habarlamalar – feik.
Buǵan deiin Jeli qoldanýshylary osyndai aqparat taratqan bolatyn. Onda 2021 qarashadan bastap mektep oqýshylaryn ýly gazdarmen ýlai bastaidy delingen. Álbette, mundai eshteńe bolǵan joq.
